Kroketa me djathë dhe proshutë

Javë më parë, ju dhamë recetën e disa pufkave tepër të lezetshme me djathë parmixhan, brumi i të cilave përgatitej në flakë mesatare, dhe më pas futeshin në furrë për t’u fryrë dhe marrë një ngjyrë të artë të parezistueshme. Ju sugjeruam që nëse doni, të provonit t’i gatuani këto pufka edhe me copa proshute. Receta e pufkave ndodhet këtu.

Kroketat e sotme, nga vetë emri, vërtet përmbajnë po djathë dhe proshutë, por ndryshe nga pufkat duhen skuqur në vaj. Megjithatë, sigurisht ngelen një snack po aq i shijshëm, në mos më shumë, duke pasur parasysh dashurinë e njerëzve për gjërat e skuqura.

Përbërësit (për 6 persona)
0.5 l qumësht
pak kripë dhe arrëmyshk
100 gr gjalpë
100 gr miell
100 gr proshutë e pjekur, e copëtuar
100 gr djathë parmixhan i grirë
4 vezë
200 gr bukë e thërrmuar
vaj për të skuqur

Përgatitja
1. Zieni qumështin në një tenxhere me kripë dhe arrëmyshk.
2. Shkrini gjalpin në një tenxhere tjetër, shtoni miell dhe përziejini bashkë. Shtoni pak nga pak qumështin e zier, derisa të arrini një përzierje të trashë dhe të njëtrajtshme.
3. Hiqeni brumin nga flaka, shtoni proshutën, djathin dhe 2 vezë. Përziejini mirë dhe lërini mënjanë të ftohen.
4. Vezët e mbetura rrihini veçmas njëtrajtësisht. Bëni gati edhe bukën e thërrmuar në një pjatë të thellë.
5. Kur brumi të jetë ftohur paksa, me një lugë merrni nga brumi, formoni toptha pak më të mëdha se një arrë, dhe kalojini topthat një herë në vezë të rrahura, pastaj në thërrimet e bukës, duke përsëritur procesin dy herë.
6. Skuqini topthat në një tigan me vaj të nxehtë, derisa të prarohen. Thithjani vajin e tepërt topthave me letër kuzhine.

Tags:

Shendetshmerisht
  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

Bonet, ëmbëlsira nga Piedmonti

Pak persona mund të kenë dëgjuar për këtë ëmbëlsirë nga Piedmonti (veri-perëndim i Italisë), ...

Fiksimi Peanut Butter: Biskota me Gjalp Kikirikesh

Ok, kur vjen puna per embelsira, une jam pakez skeptik dhe kam disa probleme ...

One Pot Pasta with Spinach and Tomatoes

Ingredients: Cherry, grape or normal tomatoes, diced. Spinach. Basil. Half a pack of spaghetti. ...

Djuner Pitka – Sandwici bullgar me epik qe ekziston

Bullgaria, si shume vende te ballkanit (duke perfshire dhe ne e) krenohemi per disa ...

Jemi shqiptare, por hame si franceze

Ne botekuptimin tone alla shqiptarce, francezet jane ata njerezit teper te rafinuar, qe levizin ...