Njerëzit ndahen në 2 kampe kur vjen puna te majoneza. Unë personalisht hyj te kampi që nuk e konsumoj, megjithëse duhet të jem e sinqertë dhe të pranoj që sa herë më ka rastisur majoneza në një sanduiç, pa dijeninë time, sërish më është dukur e shijshme. Kryesisht ama, e shmang si ushqim.

Megjithatë, Delicious është për të gjithë. Nëse jeni fans #1 i majonezës dhe doni ta provoni njëherë ta gatuani në shtëpi, jeni me fat, sepse është mjaft e thjeshtë në përgatitje, dhe aq e shëndetshme saç mund të jetë majoneza, të paktën ky version i bërë në shtëpi është më i sigurt se çfarë shitet nëpër dyqane.

Kujdes: Mbajeni këtë majonezë maksimalisht deri në 2-3 ditë në frigorifer.

Për më tepër receta salcash, klikoni këtu.

Përbërësit
2 të verdha vezësh
1 lugë mustardë
200 ml vaj ulliri
lëng limoni
kripë

Përgatitja
1. Në një tas të vogël përzieni bashkë të verdhat e vezëve me mustardë. Rrihini për 30 sekonda derisa të bëhen kremoze.
2. Shtoni vajin e ullirit pikë mbas pike, gjithnjë duke rrahur, derisa kremi të nisë të trashet. Shtoni më pas vajin e mbetur në një rrjedhë të ngadaltë ndërsa rrihni, derisa të mbarojë dhe majoneza të jetë trashur.
3. Hollojeni paksa majonezën me pak lëng limoni, duke e përzier, më pas rregullojeni me kripë sipas dëshirës tuaj. Mbajeni majonezën në një kavanoz të mbyllur në frigorifer.

Tags:

Shendetshmerisht
  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

Si te gatuajme supe me brokoli

Si te gatuajme Supe me Brokoli.

Ne keto dite te ftohta dimri qe po afrojne ska asnje gje me te ...

Tortë me fruta pylli

Të hidhemi nga anët e shëndetshme të gatimit tani, me që u bënë disa ...

Petulla amerikane me çokollatë

Këto petulla të fryra, të buta, me vrimë në mes dhe me çokollatë përsipër ...

Zupa emiliane

E quajmë zupë emiliane, por vetë italianët e quajnë “zuppa inglese”, pra zupa angleze ...

Extremely Addictive Peanut Butter and Jelly French Toast

Peanut butter and jelly is a matter of life and death foodgazm – you ...