Biskota me mente & çokollatë (inspiruar nga “After Eight”)

Çokollatë dhe mente? S’duken si dy përbërës që shkojnë bashkë, apo jo?

Megjithatë, nëse i keni provuar petëzat “After Eight”, çokollatë me një shtresë mente brenda saj, e dini që s’është e vërtetë.

Nëse as ato s’ju pëlqejnë, mbase nuk i keni ngrënë mjaftueshëm. Vazhdoni, provoni edhe ca më tepër dhe do të zbuloni që në fakt, i adhuroni.

Në recetën e sotme do të përfshijmë edhe biskotat në këtë mes, për një “crunchy twist” fantastik.

 

Përbërësit (për rreth 40 biskota)

230 gr gjalpë pa kripë

100 gr sheqer

½ lugë çaji ekstrakt vanilje

1 lugë çaji ekstrakt mente

200 gr miell gjithë-përdorimësh

60 gr kakao e hidhur, pluhur

¼ lugë çaji sodë buke

250 gr copëza çokollate

4 lugë çaji vaj

 

 

Përgatitja

  1. Përzieni gjalpin dhe sheqerin derisa të bëhet një krem i lehtë dhe i fryrë. Shtoni ekstraktin e vaniljes dhe mentes.
  2. Përzieni veçmas miellin, kakaon dhe sodën e bukës. Shtojani përzierjes së gjalpit me sheqer dhe vazhdoni ta rrihni derisa të bëhet brumi. Mbulojeni me letër plastike dhe futeni në frigorifer për së paku 1 orë.
  3. Nxeheni furrën në 180 gradë dhe vendosni letër furre mbi një tavë. Nxirreni brumin dhe lëreni në temperaturë dhome për pak minuta që të punohet më lehtë.
  4. Shtrojeni brumin dhe prisni rrathë me diametër 5 cm. Vendosini rrathët në tavë, lërini të pushojnë për 20 minuta, pastaj piqini për 20 minuta. Nxirrini biskotat dhe lërini të ftohen.
  5. Në një tas, shkrini në mikrovalë copëzat e çokollatës, duke i përzier çdo 15 sekonda, derisa të jetë plotësisht e lëmuar. Shtoni vaj për ta bërë çokollatën më të hollë.
  6. Zhysni çdo biskotë në çokollatë dhe lërini të ftohen në frigorifer derisa të ngurtësohen.

 

 

Tags:

Shendetshmerisht
  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

Pankakes me kos dhe shege

Pankakes, petulla, whatever – I quajme si te doni. Te preferuarat e mija jane ...

Byreku më i thjeshtë në botë

Unë jam rritur me konceptin që të djelave shkohet nga prindërit, edhe mami bën ...

Souffle me limon

Mund të jetë thjesht shija ime, por ëmbëlsirat tejet të sheqerosura më kanë tërhequr ...

Vita 99

Ky restorant ne pikpamjen time personale eshte personifikimi i te gatuarit te pastave te ...

Cheesecake me oreo dhe Nutella e papjekur

Njёra ndёr shoqet mё tё mira pati datёlindjёn kёtё jave, kёshtu qё vendosa ta ...

Receta nga Orienti: Veze te skuqur me oriz, qepe te njoma dhe avokado

Recete qe as nuk quhet as recete pasi eshte fantastikisht e thjeshte dhe eshte nje ...