Pastat e të gjitha llojeve njihen dhe adhurohen në tërë botën, por Italia duhet falënderuar edhe për një tjetër lloj brumi me formë me të cilin e ka bekuar kulinarinë.

Ndryshe nga pastat e tjera, të famshmet njoki (gnocchi) bëhen me brum patatesh, dhe kanë shije më karakteristike. Për pasojë, duan vetëm një salcë të thjeshtë me gjalpë, për t’iu përshtatur shijes së tyre. Megjithatë, nëse doni të eksperimentoni me salca, epo… çlironi imagjinatën! Na thoni edhe ne po gjetët një kombinim vërtet të mirë!

Jo vetëm shija, por edhe forma e lezetshme e njokive, si jastëkë të butë, i bën të parezistueshme. Mund të nisni t’i bëni që në këtë moment, sepse me siguri keni çdo përbërës të nevojshëm për to në kuzhinën tuaj.

 

Përbërësit (për 4 persona)

750 gr patate

3 vezë

150 gr miell

kripë e piper

pak arrëmyshk

60 gr gjalpë

100 gr kaçkavall parmixhan i grirë

 

 

Përgatitja

  1. Ziejini patatet bashkë me lëkurë derisa të zbuten. Qërojini dhe shtypini sa janë ende të ngrohta.
  2. Rrihni të bardhat e vezëve derisa të bëhen në formë bore, shtojani patateve, më pas shtojuni edhe të verdhat. Përzieni gjithçka mirë.
  3. Miellin, kripën, piperin, arrëmyshkun dhe patatet vërini në një tenxhere në banjomari, pra mbi një tenxhere tjetër ku po vloni ujë. Përziejini vazhdimisht që përbërësit të ngjizen mirë. Nxehtësia që vjen nga uji e bën më të lehtë punimin e përbërësve.
  4. Hiqeni nga zjarri masën dhe shtoni gjysmën e djathit kaçkavall, duke i përzier derisa të formohet një masë brumi. Gjysmën tjetër të kaçkavallit vëreni në zjarr me gjalpin, për të formuar një salcë për njokit.
  5. Vendosni një tenxhere me ujë të kripur për të zier, dhe nga ky brum i përgatitur formoni njoki me lugë të vogla, për t’i hedhur në ujë. Kur njokit ngjiten në sipërfaqe, kullojini dhe vërini në një pjatë. Hidhuni sipër salcën e përgatitur.

Ju bëftë mirë!

Tags:

Shendetshmerisht
  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

Pule Piccata me limon dhe caperi

Koncepti I pules piccata eshte po aq Italian dhe sa amerikan ne teresi. Po ...

Strudel me mollë (si tek “Inglorious Basterds”)

E keni parë filmin “Inglorious Basterds”? Është e paharrueshme fraza “Banzhorno” (Buongiorno) e Brad Pitt ...

7 Rregulla per nje cheesecake persembari

Cheesecake ne mendimin tone jo-profesional jane dhurata e natyres duke kombinuar djath dhe torte ...

Djuner Pitka – Sandwici bullgar me epik qe ekziston

Bullgaria, si shume vende te ballkanit (duke perfshire dhe ne e) krenohemi per disa ...

Menyrat e ndryshme sesi marinohet Pula.

Te gjithe e dine qe per te patur nje mish sa me te shijshem ...