Nga emri ngjan si një pjatë “fancy”, apo jo?

Mos u trembni! Pula Satay vjen nga Azia, është mjaft e shijshme, dhe nuk është gjë tjetër veçse një street food, ushqim i bërë në kioska rruge, për të shuar nepsin që mund të të kapë nga hiçi. Duke qenë një ushqim i tillë, mund ta merrni me mend që s’ka si të dojë teknikë në përgatitjen e tij.

Do t’ju duhet të bëni një vizitë të shkurtër në seksionin e erëzave dhe salcave aziatike në supermarket, por vetëm kaq. Të gjithë përbërësit e tjerë janë përbërës të njohur për ne shqiptarët, duke nisur nga gjoksi i pulës e deri te mjalti.

Masat e mëposhtme janë për një festë të vogël mes miqsh, pra rreth 8 veta, por normalisht mund t’i përshtatni sipas nevojës tuaj.

Ah, mos harroni edhe shkopinjtë e drurit, ku do të fusni pulën e aromatizuar! Ajo është gjysma e qejfit të këtij ushqimi!

 

Përbërësit (për 8 veta)

8 gjokse pule

 

Për salcën

100 gr kikirikë pa kripë

3 qepë skalinji të grira hollë

2 thelpinj hudhër

1 lugë salcë curry

1 lugë kumin pluhur

gjysmë luge koriandër e grirë

1 lugë mjaltë

2 lugë salcë soje

250 ml ujë

 

Për marinadën

2 lugë salcë soje

2 lugë lëng qitro (ose edhe portokall)

2 lugë vaj susami

 

 

Përgatitja

  1. Pritini në copa gjokset e pulës. Futeni pulën në 32 shkopinj hej, pra i bie 4 shkopinj për person.
  2. Vendosni kikirikët, qepët, hudhrën, salcën curry, kuminin, koriandrën, mjaltin, salcën e sojës dhe ujin në mikser, dhe punojini derisa të merrni një përzierje homogjene. Të gjithë këtë përzierje vëreni në një tenxhere, dhe ziejeni në zjarr të mesëm për rreth 3 minuta, ose derisa të trashet mirë.
  3. Hidhni salcën e sojës, lëngun e qitros dhe vajin e susamit në një pjatë dhe përziejini mirë. Lyejeni pulën me këtë marinadë, pastaj futini në furrë dhe piqini mirë, duke vazhduar t’i lyeni gjokset e pulës me marinadën përgjatë pjekjes, për më tepër shije.
  4. Pasi të piqen mirë, shërbejini hejet me pulë të ngrohta, me salcën e kikirikut mënjanë në një pjatancë salcash.

Ju bëftë mirë!

Tags:

Shendetshmerisht
  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

Oriz i embel me mango dhe arre kokosi

Elementet aziatike ne kuzhinen shqiptare jane teper minimale keshtu qe nje nder gjerat kryesore qe duhet ...

Pjata te shendetshme nga lindja: Sallata Fatush

Si per jave te mbare nje sallate persembari. E ardhur nga lindja e mesme ...

Pufka me çokollatë

Francezët i quajnë “profiterol me çokollatë”, por emrin e kësaj ëmbëlsire e kam pasur ...

Banane me çokollatë & sprinkles

Gjithmonë duam rezultatin më të mirë me mundin më të pakët, dhe gatimi nuk ...