Receta klasike: Waffle!

Një ëmbëlsirë e re që ka fituar popullaritet kohët e fundit është padyshim waffle, duke shtuar këtu edhe kontributin e Cioccolatitaliani-t në Bllok, qendrës kryesore për waffle dhe foto waffle-sh.

Waffle është mjaft i shijshëm dhe po aq i thjeshtë për t’u përgatitur nga vetë ju, në shtëpinë tuaj. E vetmja pengesë në këtë mes është fakti që mund të mos keni thekëse posaçërisht për waffle, që i jep atë formën karakteristike.

Megjithatë, Jamie Oliver këshillon që waffle-t të gatuhen në një tigan zgarë, pasi nuk ka pikë ndryshimi, përveçse do të merrni waffle me pak a shumë pamjen e një pancake me vija.

 

Përbërësit (për rreth 10 waffle)

250 gr miell shumë-përdorimësh

150 gr sheqer

3 lugë çaji sodë buke

2 vezë të mëdha, me të verdhën dhe të bardhën të ndara

350 ml qumësht

220 gr gjalpë, i shkrirë

1 lugë çaji ekstrakt vanilje

Shurup panje/mjaltë/Nutella, fruta sipas dëshirës tuaj

Përgatitja

  1. Në një tas, përzieni miellin, sheqerin dhe sodën e bukës.
  2. Në një tas tjetër, rrihni të verdhat e vezëve. Shtoni qumështin, gjalpin, vaniljen dhe përziejini derisa të bëhen masë homogjene. Hidheni masën në përbërësit e parë duke përzier.
  3. Të bardhat e vezëve rrihini derisa të bëhen borë dhe shtojani brumit. Përziejini deri në masë homogjene.
  4. Merrni brumin me garuzhde dhe hidheni në thekëse waffle nëse keni, ose hidheni në tiganin-zgarë dhe piqini derisa të bëhen të arta.

Vendosni frutat dhe përbërësit që dëshironi sipër tyre. Ju bëfshin mirë!

Tags:

Shendetshmerisht
  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

Supë verore me domate

Në këtë vapë të nxehtë që ka pushtuar qytetin, që në qershor, imagjinoni më ...

Domate të mbushura greke

Kemi dhënë recetën për kunguj të mbushur, dhe kemi dashur prej kohësh t’ju japim ...

Shkopa Mozzarella

Keto jane nga ato recetat “si neper filma” qe jane per te lepire gishtat. ...

Kasatë me fruta

Nuk më kishte rënë ndërmend të grija dhe ngrija fruta, derisa u ndodha një ...

Si te zgjedhim avokadon perfekte

Avokado eshte nje nga ato frutat qe jane aq perfekte, si ne shije dhe ...