Këto vezë luksoze flasin vetë për shijen e tyre, ndaj nuk dimë se sa mund të themi për t’ju bindur që të provoni t’i gatuani. Me siguri fotoja e ka bërë të gjithë bindjen!

Po e japim në mesin e javës recetën e vezëve Benedict me simite, proshutë Parme dhe më e rëndësishmja, salca Hollandaise, për t’u përgatitur shpirtërisht që tani, sepse nuk do t’ju gënjejmë, vezët Benedict nuk janë aq të thjeshta në përgatitje.

Mund të duket se vështirësia qëndron te zierja e vezëve si lëmsha të bardhë, por në fakt, salca Hollandaise është ajo që e “make or break” këtë gatim të mrekullueshëm. Provoni këto ditë të gatuani vezët dhe salcën Hollandaise nga pak, për finalen e madhe në një mëngjes të shtune apo të diele, ose të dyja bashkë! Nuk ka mëngjes më perfekt për të festuar fundjavën.

Nëse jeni mërzitur me vezë të zakonshme dhe doni stile të reja gatimi të tyret, klikoni këtu.

 

Përbërësit
4 vezë të mëdha
2 simite
4 feta proshutë Parme (nëse preferoni, mund të zgjidhni edhe pançetë të skuqur)
salcë Hollandaise (receta ndodhet këtu)

 

Përgatitja
1. Në një tenxhere hidhni 2 litra ujë dhe verëni të ziejë.
2. Katër vezët hapini në 4 filxhanë të ndryshëm. Simitet ndajini përgjysmë dhe thekini. Proshutën e Parmës mund ta lini siç është, ose ta skuqni derisa ta thekni pakëz.
3. Kur uji të ziejë, trazoni ujin që të formoni një vorteks, dhe rrëshqisni brenda 1 vezë. Veza do të ngecë në trazirën e ujit dhe do të rrotullohet, derisa të formojë një masë të qëndrueshme me të bardhën e saj. Lëreni të gatuhet për 2-3 minuta, më pas hiqeni me një lugë me vrima kulluese për të lejuar kullimin e ujit. Do të ngjajë si top mocarele.


4. Përsërisni hapin e mësipërm me vezët e mbetura, duke trazuar ujin për secilën prej tyre.
5. Mbi simitet e thekura vendosni pak salcë hollandaise, proshutë Parme të mbledhur për të qendruar brenda simites, vendosni vezën dhe shtroni mbi vezë salcën hollandaise.

Do të merrni kështu 4 simite të mrekullueshme me proshutë, vezë dhe atë salcën fantastike ngjyrë të artë që mbyll gjithçka për bukuri.

Tags:

Shendetshmerisht
  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

Sallate me pule, patate dhe pomodorini

Receta e sotme, eshte super e thjeshte dhe e shendtshme. Do ju duhen disa ...

Caj Jeshil

Arsyet pse duhet te perdorim Caj Jeshil.

Kushedo qe lexon nje artikull online ose nje gazete e ka vene re zhurmen ...

Biskota krokante me cokollate dhe arre kokosi

Pёrbёrёsit 500 g Corn Flakes 250 g Gjalpё 100 g Sheqer tё kaftё 150 ...

Extremely Addictive Peanut Butter and Jelly French Toast

Peanut butter and jelly is a matter of life and death foodgazm – you ...

Rizoto me djathë Gorgonzola

Vazhdojmë të pasurojmë rubrikën “Rizoto” me një tjetër pjatë të shijshme orizi, por ju ...

Llokume turke

Duhet ta pranojmë që nga Turqia, gjatë gjithë atyre viteve pushtim, kemi marrë edhe ...