Salca Hollandaise (për vezë Benedict)

Në kulinari, nëse ke thënë “salcë Hollandaise”, ke thënë bashkë me të edhe “vezë Benedict”. Është e pamundur ta imagjinosh njërën pa tjetrën, sepse bashkë janë në harmoni të plotë, edhe pse, po ju paralajmërojmë që tani, bëni mirë ta keni zemrën top përpara se të hani vezë Benedict.

Gjalpi është një përbërës kryesor i kësaj salce, së bashku me të verdha vezësh. Ngjyra e bukur diellore, shtruar mbi vezët e bardha dhe proshutën Parma, gjithçka mbi një simite të thekur… nuk ka nevojë të themi më tepër.

Sot po ju japim recetën e kësaj salce, një nga 5 “salcat mëmë” në kuzhinën franceze (nuk mbahen mend të gjitha, por bechamel është një tjetër prej tyre, receta e së cilës ndodhet këtu). Ndërkaq, nesër e ka radhën receta e vezëve Benedict!

Kini kujdes të ndiqni çdo hap me përpikmëri! Mund të argumentohet se nuk janë vezët elementi kryesor në “Vezë Benedict” (ironike, e dimë), por vetë salca Hollandaise!

Po, ashtu nëse doni të eksploroni më tepër receta salcash të njohura për çdo lloj ushqimi, klikoni këtu.

 

Përbërësit

2 të verdha vezësh
1 lugë lëng limoni/uthull e bardhë
200 gr gjalpë
kripë, piper

 

Përgatitja

1. Vendosni një tenxhere me rreth 2.5 cm ujë që të ziejë.
2. Vendosni të verdhat e vezëve në një tas rezistent ndaj nxehtësisë, dhe vendoseni tasin sipër tenxheres me ujë, PA E PREKUR UJIN. Avulli duhet vetëm të zbusë më tej vezët. Nisni të rrihni të verdhat e vezëve.
3. Shtoni te vezët lëngun e limonit ose uthullën e bardhë, ndërsa vazhdoni t’i rrihni vezët.
4. Në një tjetër tenxhere, shkrini 200 gr gjalpë. Vazhdoni të rrihni vezët energjikisht, që të fryhen.
5. Shtoni ngadalë gjalpin e shkrirë te vezët, nga pak, ndërsa vazhdoni t’i rrihni vezët që të bëhen bashkë me gjalpin. Rrihini derisa salca të trashet.
6. Shtoni pak kripë dhe piper. Rrihni gjithçka mirë. Salca duhet të jetë aq e trashë sa të veshë kurrizin e lugës.

Tags:

Shendetshmerisht
  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

Simple Dominican Yellow yummy Rice

When I say Dominican I think of Punta Cana, beautiful beaches, filled with crazy ...

Si të gatuajmë pite

E njohim piten më së tepërmi sepse jemi popull i dashuruar mbas sufllaqes, por ...

S’mores: Biskota, marshmallow dhe çokollatë

Ne shqiptarët s’e kemi fort të përhapur kulturën e kampingut, dhe aq më pak ...

Sanduicet SMORES me banane

Kush nuk I ka qejf sanduicet? Po tostet? Po SMORE-et? Nese nuk I ke, ...

Receta bazike: Pulë e pjekur sexy

Si e premte që është, duhet një recetë fantastike për të festuar mbylljen e ...