Nga të gjithë reçelnat që përgatit ime më, dhe ajo bën vërtet shumë, sepse është e dhënë pas metodave të vjetra të përgatitjes së ushqimit, të preferuarit e mi janë reçeli i qershisë dhe reçeli i manaferrës. Nuk është ende koha e manaferrave, ndaj fokusohemi fillimisht te qershitë dhe se si mund të nxjerrim prej tyre një reçel fantastik, tërësisht natyral, pa qenë nevoja të blini reçelna të konservuar dyqanesh.

Këtë vit, ime më bëri plot 6 kilogramë qershi reçel. Një masë e tillë mbush 2 kavanoza të mëdhenj plot 2 kg dhe 1 kavanoz më të vogël. Ju, sidoqoftë, niseni me 2 kilogramë qershi, pasi mos harroni, duhet edhe t’u hiqni bërthamat. Nuk kemi dëshirë që t’ju mërzitet receta e ta lini në gjysmë.

Masat janë të tilla: Për 2 kg qershi, duhet 1 kg sheqer. Mund t’i shtoni qershive edhe gjysmë gote ujë, por ime më këmbëngul se nuk është e nevojshme, pasi qershitë e lëshojnë vetë lëngun e tyre. Sidoqoftë, nuk është se e matim ujin me pikatore, apo jo? Sidomos kur bëhet fjalë për gjysmë gote!

 

Përbërësit
2 kg qershi, me bërthama të hequra
1 kg sheqer
gjysmë gote ujë

 

 

Përgatitja
1. Në një tenxhere të madhe hidhni qershitë, shtojuni sheqerin dhe gotën e ujit dhe vërini të vlojnë në zjarr të avashtë. Përziejini herë pas here, që të mos ngjisin në fund.
2. Duhet që qershitë të lëshojnë lëng dhe lëngu të trashet, por pa u errur tepër, pra sheqeri nuk duhet karamelizuar. Qershitë duhet të fishken.
3. Zierja e tyre mund të dojë rreth 1 orë. Kur reçeli të bëhet gati, hiqeni nga zjarri dhe lëreni të ftohet plotësisht, me kapak të hapur. Fusni reçelin në kavanozë të larë dhe të thatë, të cilët s’duhet të kenë aspak ujë.

Tags:

Shendetshmerisht
  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

Cocktail veror me gin dhe manaferra te fresketa

E keni parasysh ate pjesen gjate gatimit qe do te engledisesh me dicka. Per ...

Pule me qumesht arre kokosi, oriz dhe kerpudha krokante

Kohet e fundit kemi qene duke eksploruar receta disi me komplekse me qellimin e ...

Ide Shën Valentini: Fruta në çokollatë fondente

Shën Valentini nuk ka kuptim pa çokollatë. Ndaç si dhuratë për ju, ndaç në ...

Kukurec

Këtë fundjavë Pashkësh ortodokse kemi zgjedhur vetëm receta tradicionale greke, jo të padëgjuara nga ...

How to cook a steak

Simply put – there is nothing like a great freaking steak cooked wonderfully. Follow ...

Tost me Fiq, mjalte dhe filadelfia

Sapo pashe ne dyqanin e lagjes fiq qe dmth eshte koha per te eksperiementuar ...