Këtë recetë e kam hasur në një libër me receta greke, sepse afërmendsh, nuk ka mjeshtra më të mirë se grekët, që dinë ç’të bëjnë me ushqimet e tyre të detit! Tani që vera është në fillimet e saj, duhet të mendojmë më tepër për të pasuruar tryezën tonë me çfarë ka deti për të ofruar, nëse nuk e kemi bërë gjatë stinëve të tjera të vitit.

Nëse jeni si unë, që anoni më tepër nga frutat e detit se sa nga peshku, kjo recetë është për ju. Vërtet peshku është i shijshëm, i shëndetshëm e më the, e të thashë, por besoj se më kuptoni kur them se shija e tij është tejet neutrale, dhe kërkoj diçka me më tepër “kick” për qiellzën time. Frutat e detit e plotësojnë gjithnjë këtë kërkesë, dhe sidomos një pjatë e veçantë, si kallamarët e mbushur.

Nëse jeni të interesuar për më tepër receta gatimesh deti, klikoni këtu.

Përbërësit (për 5-6 persona)
1 ½ kg kallamarë të mëdhenj
1 filxhan oriz
2 qepë të grira
10 lugë vaj ulliri
½ gote verë e bardhë
1 tufë majdanoz i grirë
kripë, piper

Përgatitja
1. Pastroni kallamarët, hiqjuni kockën, sytë dhe pjesët e forta dhe lajini mirë.
2. Prisni tentakulat e kallamarëve në pjesë të vogla dhe skuqini në tigan me 5 lugë vaj bashkë me qepët, derisa tentakulave t’u shterojë lëngu dhe qepët të zbuten dhe marrin ngjyrë disi të artë.
3. Shtoni në tigan orizin dhe përziejeni për 1 minutë, më pas shtoni verën e bardhë, për ta zier paksa, pa avulluar të gjithë verën. Shtoni ¾ e majdanozit të grirë, kripë e piper sipas shijes tuaj dhe ziejini edhe për 2-3 minuta. Hiqini nga nxehtësia.
4. Mbushni kallamarët me këtë përzierje deri në ¾ e tyre, duke lënë vend kur orizi të fryhet. Mbyllni grykët e kallamarëve me një kunjë dhëmbësh.
5. Shtrojini kallamarët me vajin e mbetur të ullirit në një tigan të gjerë dhe skuqini për pak nga secila anë, sa t’u jepni ngjyrë. Mbushni tiganin me ujë derisa t’i mbuloni kallamarët në ¾ e tyre, ulni nxehtësinë, vendosuni kapak dhe lërini të ziejnë. PS: Mund të zgjidhni t’i zieni edhe në salcë domatesh, por kjo është receta bazike për kallamarë të mbushur, për të qëndruar krejtësisht te shija e tyre.
6. Shërbejini të plotë ose të prerë në rrathë të trashë, pasi t’u keni hedhur sipër pjesën e mbetur të majdanozit.

Tags:

Shendetshmerisht
  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

Qofte të mbushura turke

Dikur, ne nje nga pushimet e mia verore ne Turqi, mes vargut te gjate ...

Puding me oriz

Duke vazhduar me receta pudingu, sot kemi për ju puding orizi. Rrushi i thatë ...

Toptha Cokollate plot energji

Kjo nuk eshte recete tamam – thjesht kombinohen ca perberes te cilet te zgjojne. ...

How to cook a steak

Simply put – there is nothing like a great freaking steak cooked wonderfully. Follow ...

Molle e pjekur me arra

U riktheva ditën e djeshme në qytetin tim të lindjes, Elbasan. Tashmë qyteti është ...