Vështirë të mos e njohim krejt si popull këtë gatim. Gjendet në çdo piceri, mbase jo-dhe-aq formale, apo në dyqanet, kioskat, furrat e bukës dhe lokalet e vogla që shesin byrek, lakror, pica në copa, sanduiçe dhe sigurisht, atë xhepin e famshëm mbushur me lloj e soj, që quhet kalcone.

Origjina e kalcones, ashtu si e picës nis në Napoli, dhe kalconia nuk është gjë tjetër veçse një picë e vogël e palosur, më praktike në të ngrënë. Mund të merret si një drekë e shpejtë në pushimin nga puna/shkolla, siç e bëj personalisht. Mbushjet e kalcones zakonisht janë standarde: djathë (mbase mocarela), sallam, pak salcë marinara, disa ullinj, speca, ndonjëherë edhe kërpudhë.

Picën tuaj të preferuar mund ta ktheni në një kalcone, në mënyrën e treguar më poshtë. Po ashtu, do t’ju japim edhe një sugjerim jo klasik, por mjaft të këndshëm për kalconen tuaj.

 

Kalcone normale

Përbërësit

brumë pice (receta ndodhet këtu)

përbërës pice sipas dëshirës tuaj (sallam, djathë, salcë, ullinj, speca, kërpudha)

Përgatitja

  1. Për të përgatitur kalconen, veproni si me picën duke i dhënë brumit formë rrethore.
  2. Vetëm gjysmën e rrethit mbusheni me garniturë, duke lënë anët bosh rreth 2-2.5 cm.
  3. Palosni gjysmën tjetër të rrethit mbi të dhe izolojini mirë anët duke shtypur me gishta.
  4. Bëjuni kalconeve një prerje të lehtë në sipërfaqe, lyejini me pak vaj ulliri dhe piqini me 220-250 gradë.

 

Kalcone me kërpudha dhe spinaq

Përbërësit (për 2 persona)

brumë pice (receta ndodhet këtu)
80 gr spinaq i copëtuar
50 gr mocarela e grirë
1 thelb hudhër e grirë
160 gr kërpudha cremini, të prera hollë
½ qepë e grirë
60 gr gjizë
kripë, piper, vaj ulliri

Përgatitja

1. Ndizni furrën në 220 gradë dhe bëni gati mënjanë brumin në formë rrethi.
2. Në një tigan, hidhni pak vaj ulliri dhe kur vaji të ndizet, shtoni fetat e kërpudhave dhe qepën e grirë. Shtoni kripë dhe piper sipas dëshirës. Skuqni për rreth 5 minuta derisa të zbuten.
3. Shtoni hudhrën e grirë dhe skuqni për rreth 1-2 minuta sa të lëshojë aromë.
4. Shtoni spinaqin e copëtuar në tigan dhe skuqeni derisa të mblidhet.
5. Hiqeni tiganin nga zjarri dhe ndërsa është i nxehtë, shtoni gjizën.
6. Në rrathët e brumit ndani masën e përgatitur dhe sipër kërpudhave dhe spinaqit hidhni mocarela të grirë. Palosni brumin dhe shtypni anët. Bëni një prerje të lehtë mbi kalconet për të lejuar avullin të dalë dhe lyejini me pak vaj ulliri.
7. Piqini kalconet me 220-250 gradë derisa të marrin ngjyrë të artë.

Tags:

Shendetshmerisht
  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

Kek me banane

Keku me banana mund të jetë nga ëmbëlsirat më të shëndetshme. Mund ta shoqëroni ...

Krem me fruta pasioni

Një frut jo fort i përhapur në Shqipëri, fruti i pasionit meriton vëmendjen dhe ...

6 gabimet qe mund te shmangim gjate gatimit te salmonit

Sot per dreke hengra nje super fileto salmoni dhe mu kujtuan keto detaje mbi ...

Tavë me lulelakër dhe salcë djathi

Lulelakra është nga ato perime që o fshihen nga pjata, o shmangen, gjithmonë në ...

Spaghetti cacio e pepe

Këto pastat të marrin në qafë. Kaq di të them. Për të mos thënë ...