Spaghetti “Puttanesca” (paturpësisht të shijshme)

Nuk dihet origjina e emrit të kësaj paste popullore italiane, por mbase ka të bëjë me faktin që është një pjatë “djegëse”, që domosdoshmërisht të bën t’i lëshosh nja dy sharje nën zë.

Një tjetër histori e lidh këtë salcë me prostitutat e rrugës në Mesjetë, të cilat kërkonin makarona me salcë të bollshme, kalorike, pasi u duhej të bënin “xhiron” rrotull qytetit, në kërkim të klientëve. Në fakt, ka disa histori të kësaj pjate në lidhje me prostitucionin.

Ajo çfarë dihet me siguri ama, është që kemi të bëjmë me një pjatë paturpësisht të shijshme.

 

Përbërësit

500 gr domate të pjekura

250 gr ullinj të zinj

2 lugë vaj ulliri

2 thelpinj hudhër

Gjysmë luge spec djegës i bluar

4 fileto peshku açuge (opsionale)

Kripë, piper

400 gr makarona spageti

 

Përgatitja

  1. Qëroni domatet dhe pritini në copa. Ullinjve hiquni bërthamat dhe copëtoni ¾ e sasisë së tyre.
  2. Në një tigan, nxehni vajin dhe skuqni hudhrën, specin djegës. Hudhrën hiqeni nga tigani kur të zverdhet.
  3. Shtoni peshkun açuge nëse doni dhe rrotullojini në vaj derisa të treten fare. Shtoni ullinjtë dhe domatet. Hidhni kripë e piper sipas shijes. Përzieni gjithçka derisa të bëhet salcë.
  4. Zieni makaronat, hidhini në një pjatancë të madhe dhe shtojuni sipër salcën.

Tags:

Shendetshmerisht
  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

Bonet, ëmbëlsira nga Piedmonti

Pak persona mund të kenë dëgjuar për këtë ëmbëlsirë nga Piedmonti (veri-perëndim i Italisë), ...

Si te gatuajme Kulacka ne tigan

E gjithe kjo histori nisi te djelen ne mengjes kur u zgjova me nje ...

Pule Teryaki me oriz dhe perime

Salca teriyaki ne fakt eshte nje nder preferuarat e mija. Ne perberje ka nje ...

Krahe pule stil thai

Stina e nxehte e veres dhe mbasditet me temeperatura te tmerrshme jane fantastike per ...

Sallate citrike me portokalle, mango dhe bajame

Nje super kombinim per kete fundjave qe parashikohet ekstrem vape. Mjafton te them qe ...

Tartë “kokëposhtë” me mollë

Pas ëmbëlsirës së djeshme të çuditshme, “Ishujt lundrues”, bërë fund e krye me vezë, ...