Biskota me çokollatë (perfekte për mëngjes)

Ua dëgjojmë shpesh amerikanëve si term “chocolate chip cookies”, dhe me shumë mundësi këto janë biskotat e tyre të preferuara. Me shumë të drejtë, për mendimin tonë.

Çokollata nuk duhet të mungojë nëpër ëmbëlsira, por sidomos në biskota. Biskotat me copa çokollate që do të trajtojmë sot, janë perfekte për në mëngjes, me një gotë qumësht ku mund t’i ngjyeni e t’i shijoni.

Madje, aq të thjeshta sa janë për t’u përgatitur, nuk është nevoja t’i gatuani një natë përpara.

 

Përbërësit (për afro 35 biskota)

200 gr sheqer

225 gr gjalpë

250 gr miell

Çerek luge kripë

2 të verdha vezësh

200 gr çokollatë që shkrihet në copa

 

 

Përgatitja

  1. Bëni bashkë sheqerin, gjalpin, miellin, kripën dhe të verdhat e vezëve në një makinë përzierëse.
  2. Hidheni përzierjen në një tas të madh, dhe duke vazhduar ta përzieni, shtoni copat e çokollatës. Zini me kujdes brumin.
  3. Në një tavë të lyer me gjalpë, vendosni brumin lugë-lugë, duke i shtypur pastaj me një pirun të bërë me miell.
  4. Vëreni tavën në furrë në 180 gradë për 12-15 minuta, derisa biskotat të marrin ngjyrë, por duke qenë ende të buta.
  5. Hiqini nga furra, lërini të pushojnë për 2-3 minuta, pastaj ftohini në rrjetë për ëmbëlsira.

Mos harroni t’i ngjyeni biskotat në qumësht, për t’ua shtuar edhe më tepër shijen.

Tags:

Shendetshmerisht
  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

Receta Indiane: Pule me Curry dhe oriz

E di qe jam fiksuar me keto recetat orientale, por le te jemi realist, ...

Caipirinha me manaferra

Sezoni i manaferrave ka filluar dhe eshte e rendesishme qe keto fruta, kaq te ...

Kajmaklie me luleshtrydhe

Kajmaklia nuk është gjë tjetër veçse një kek-mafishe, i lehtë dhe i butë, i ...

Koktejl karkalecash

Nga të gjitha ushqimet e detit, mund të them me siguri që karkalecat janë ...

Zog pule ne furre me perime

Nje recete fantastike per nje darke per kater persona, ose edhe per tre nese ...