Vazhdojmë të pasurojmë rubrikën “Rizoto” me një tjetër pjatë të shijshme orizi, por ju paralajmërojmë, edhe paksa të rëndë! Megjithatë, nuk mund ta shtysh gjatë në jetë pa i shtuar djathë Gorgonzola ushqimit tënd, qoftë picës, pastave, rizotos apo të tjera gatime, me të cilat ky djathë me shije karakteristike shkon për mrekulli. Nëse nuk ju pëlqen djathi gorgonzola më vete, jepini një shans në rizoto.

Gatimi i rizotos në këtë recetë është i ngjashëm me gatimin e rizotos klasike milaneze, apo rizotos me kërpudha, që kemi dhënë deri më sot. Gorgonzola do ta bëjë më kremoz rizoton dhe do ta pasurojë në shije, ndaj mos e lini pa e provuar.

Për më tepër receta rizotosh, klikoni këtu.

Përbërësit (për 4 persona)
40 gr gjalpë
gjysmë qepe e vogël, e grirë
400 gr oriz i imët
½ gotë verë e bardhë
1 l lëng mishi i vluar, ose koncentrat
200-250 gr djathë gorgonzola i grirë
kripë, piper i bardhë

Përgatitja
1. Shkrini gjalpin në një tigan të thellë, shtoni qepën dhe skuqeni derisa të zbehet dhe zbutet.
2. Shtoni orizin, lëreni të marrë shije, duke e përzier për së paku 1 minutë, më pas shtoni verën dhe ngrijeni pak flakën.
3. Kur vera të jetë thithur krejt, shtoni lëngun e mishit pak nga pak, duke përzier shpesh, dhe lëreni të ziejë për afro 15 minuta.
4. Pas 15 minutash, pak para se të mbarojë zierja, shtoni djathin gorgonzola dhe përziejeni me kujdes që të bëhet njësh me orizin. Provoni për kripë dhe piper dhe shtoni sipas dëshirës. Gatuajeni edhe për 2-3 minuta dhe hiqeni nga zjarri.

Tags:

Shendetshmerisht
  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

Biskota me mjedër, për çajin e mbasdites

Kemi postuar ditet e fundit mjaft receta embelsirash me cokollate, sepse te jemi te ...

Limonade me Luleshtrydhe dhe xhinxher

E keni parasysh ate koncetratin me limon dhe xhinxher qe beme? Tani eshte koha ...

Si te gatuajme Fileto Vici ne tigan

Kam pershtypjen qe nese keni lexuar postimin e fundit, Receten Biftek me gjalp dhe perime ...

Tagliatelle me karkaleca dhe kungulleshka

Tagliatellet me karkaleca dhe zucchini jane nje nder ato pjatat super te famshme. Fatkeqsisht ...

Molle me qershi dhe musli te karamelizuara

E keni parasysh qe jeni ngref per nje gje te embel? Dhe nuk dini ...