Brownie vegane (sërish të shijshme)

Kam konsideruar seriozisht që ta provoj kuzhinën vegane, me hovin që ka marrë vitet e fundit. Mbase është një dietë ushqimore shumë e tepruar, me mungesën e mishit, qumështit, vezëve, gjalpit, mjaltit etj., por me sa më kanë parë sytë, gatimet e tyre duken të shijshme.

Thonë që dieta vegane ka shumë anë pozitive, dhe trupi më tepër përfiton se sa vuan nga ndërprerja e mishrave dhe produkteve shtazore. Mbase është e vërtetë, por duhet të studioj më tepër mbi këtë çështje.

Megjithatë, ka edhe të tjera përfitime në këtë mes: mendoni se sa priten shpenzimet mujore, kur nuk përfshin mish në listën e pazareve. Po ashtu, duhet vërtet të rris sasinë e perimeve dhe frutave që konsumoj.

Natyrisht pastaj, ndihesh mirë kur nuk po ha diçka tjetër që dikur ishte e gjallë. I keni parasysh ato videot në Youtube, ku i vënë njerëzit të hanë pulë të skuqur, dhe pastaj u sjellin zogj pushverdhë pule që t’i përkëdhelin? Ndihesh pakëz keq dhe i rimendon zgjedhjet e tua ushqimore, ma merr mendja.

Kalimi nga gjithçkangrënës në vegan nuk është aspak i lehtë, ndaj e nisim me një ëmbëlsirë vegane, si fillim. Mund të ketë të njëjtën shije me ëmbëlsirën reale, në mos më të mirë!

 

Përbërësit (për 4-6 veta)

200 gr sheqer i bardhë

200 gr sheqer kaf

100 gr kakao e hidhur pluhur

120 ml vaj

½ lugë çaji sodë buke

2 lugë çaji ekstrakt vaniljeje

1 lugë çaji kripë

200 gr miell

200 ml ujë

150 gr arra të copëtuara

150 gr copëza çokollatë (e zezë)

Përgatitja

  1. Shtoni në një tas sheqerin e bardhë, sheqerin kaf, kakaon e hidhur, vajin, sodën e bukës, ekstraktin e vaniljes dhe kripën (pra 7 përbërësit e parë), dhe përziejini derisa të bëhet masë homogjene.
  2. Shtoni më pas miellin dhe ujin dhe përziejini sërish, derisa të bëhet një masë kremoze.
  3. Shtoni arrat e copëtuara dhe copëzat e çokollatës dhe përziejini sërish.
  4. Hidheni brumin në një tavë të thellë katrore ku të keni vendosur letër furre (mos përdorni gjalpë!), dhe piqeni me 180 gradë për 12-15 minuta. Lëreni të ftohet dhe shërbejeni në copa.

Tags:

Shendetshmerisht
  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

Kek me qershi dhe kajsi

  Keku do dy gjëra: çokollatë ose fruta. I vetëm nuk të shijon aspak. ...

Amaretat, biskotat “cute”

Për çaj, për kafe, apo thjesht për të thyer atë urinë e mesnatës, që ...

Torta “Sacher”

Më lejoni t’ju tregoj për një nga tortat e mia më të preferuara, krijuar ...

Super smoothie me avocado, kale, ananas dhe arre kokosi

  Gjysem avocado, kale te prere ne copa, disa copa ananasi (une I preferoj ...

The lazy breakfast solution

This is even before coffee so readers beware. I am the type of person ...