Krem me liker & çokollatë të bardhë

Ndonëse jam fanse e çokollatës se zezë apo me qumësht më tepër, nuk e mohoj që edhe çokollata e bardhë ka lezetin e saj. Më kujton pak a shumë qumështin e kondensuar, dhe nuk ka njeri që t’i thotë “jo” atij qumështi, aq i shijshëm sa është.

Sot do të marrim çokollatën e bardhë të pafajshme, dhe do t’i shtojmë pak liker Cointreau, për t’i bërë gjërat më “spicy”. Si gjithmonë, kur përzihet alkooli në mes, mos harroni t’i mbani ëmbëlsirat larg fëmijëve.

 

Përbërësit (për 4-6 persona)

100 gr çokollatë e bardhë

4 të verdha vezësh

40 gr sheqer

2 lugë xhelatinë, e tretur në 3 lugë ujë

Gjysmë gote liker Cointreau

215 ml ajkë për t’u rrahur

 

 

Përgatitja

  1. Tretni në banjomari çokollatën duke vendosur tasin me të sipër një tenxhereje me ujë mbi zjarr. Kini kujdes që uji të mos ziejë.
  2. Rrihni të verdhat e vezëve me sheqer derisa të zbardhen dhe të bëhen shkumë. Shtojini çokollatën e shkrirë dhe xhelatinën e tretur në ujë.
  3. Shtoni edhe likerin dhe përziejini. Rrihni pak ajkën, dhe shtojeni në përzierje sapo të jetë ftohur.
  4. Kremin hidheni në 4-6 kupa individuale dhe ftohini në frigorifer për 4 orë përpara se t’i shërbeni. Përdorni bajame për garniturë.

Tags:

Shendetshmerisht
  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

Gnocchi me patate

Gnocchit e Italise se veriut jane ato me te famshmet, te cilat jane me ...

Salca tartar për fruta deti

Ndonëse mund të kemi dëgjuar për salcën tartar, nuk mund të themi që është ...

Kungulleshka të mbushura

Perimet e mbushura nuk janë pjatë e panjohur për ne, qofshin këto patëllxhanë, kunguj ...

Si te bejme omleten perfekte

E keni parasysh kur do robi nje mengjes te thjeshte dhe shume te mire? ...