Kek me arra dhe shërbet

Kam një pyetje shumë të rëndësishme për ju: A mund të quhet një gatim ëmbëlsirë po s’pati pak shërbet?

E dimë, e dimë, është shëndeti në mes dhe të gjitha arsyet e tjera prej të cilave NUK duhet të hidhemi te ëmbëlsirat me shërbet, por ama, një herë në vit nuk bëjmë dëm se i hamë.

Dua të them, e imagjinoni dot Vitin e Ri pa kadaif apo bakllava për shembull?

Ndonjë ditë jo dhe aq të bukur mund të ndiheni pak keq nga humori, dhe e vetmja gjë që mund ta rregullojë një ditë të hidhur është një ëmbëlsirë ekstra e ëmbël!

Ëmbëlsira ekstra e ëmbël që do t’ju tregojmë sot është një kek fantastik me arra dhe shërbet.

 

Përbërësit

1 filxhan sheqer

1 filxhan qumësht

½ filxhan gjalpë

2 filxhanë arra të shtypura, kanellë, karafil i grirë të përziera bashkë

1 ½ filxhan bukë e thekur e grirë

1 ½ filxhan miell

5 vezë

1 lugëz sodë

3 lugëza maja për ëmbëlsira

2 lugë konjak

 

Për shërbetin

3 filxhanë sheqer

4 gota ujë

1 lugë leng limoni

 

Përgatitja

  1. Rriheni gjalpin me sheqerin dhe shtojini vezët, një nga një duke i rrahur.
  2. Hidhini qumështin, arrat e përziera me kanellë e karafil, sodën e tretur në konjak, bukën e thekur, miellin dhe majanë dhe përziejini mirë.
  3. Hidheni brumin në një tavë të bërë me gjalpë dhe spërkatur me miell. Piqeni në furrë me 180 gradë për rreth 35 minuta, derisa të ketë marrë ngjyrë dhe kur të fusni një kunjë dhëmbësh në kek, kunja të dalë e pastër. Lëreni të ftohet.
  4. Përgatisni shërbetin duke i hedhur të gjithë përbërësit e tij në një tenxhere dhe vlojini për rreth 5 minuta, derisa shërbeti të trashet paksa.
  5. Shponi kekun me kunjë dhëmbësh duke i hapur disa vrima dhe hidhini sipër shërbetin e nxehtë.

Ju bëftë mirë!

Tags:

Shendetshmerisht
  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

Burger Tradicional i bere ne Shtepi

Burger, aq sa eshte nje tradine amerikane dhe ka nevoje per bbq dhe grille, ...

Krem çokollatë me Kahlua

Krahas ëmbëlsirave me pullë jeshile, pra të konsumueshme edhe nga fëmijë (siç është e ...

Kasatë me fruta

Nuk më kishte rënë ndërmend të grija dhe ngrija fruta, derisa u ndodha një ...

Quinoa Tabbouleh

Duke u pergatitur per veren eshte e rendesishme te marrim vlerat ushqimore te nevojshme ...

French Toast i mbuluar me djath krokant

Duke u fokusuar ne pertacine qe karakterizon shiu, sot kam nje rekomandim aq te ...

Vongole me verë të bardhë

Midhjet me guaskë të zezë mund të kemi një jetë që i njohim dhe ...