Brownie me dopio çokollatë

“Të hash e të vdesësh”… dhe nuk ka gjë që të shkakton vdekje më të lumtur se çokollata, sidomos dyfishi i saj! Nuk duam t’ju trembim, por brownie-t e sotëm me dopio çokollatë flasin vetë, që nga emri i tyre!

Brownie-t e zakonshëm janë të shijshme mjaftueshëm, por për një ngjyrë të errët çokollate të brownie-ve dhe nëse çokollata nuk është kurrë mjaftueshëm për ju, brownie-t me dopio çokollatë mund të kënaqin më në fund nepsin tuaj për këtë produkt që s’ka të dytë.

E kuptojmë që është punë me zarar t’i gatuash këto brownie tani në verë, kur supozohet të kesh një trup në top-formë, por çfarë dëmi katastrofik shkakton një apo dy copa brownie në ditë? Bëni fotot sexy për Instagram dhe në mbrapaskenë merrni veten me të mira me një katror ëmbëlsire. Edhe modelet e bëjnë!

Përbërësit (për 4-5 persona/~20 copë)
200 gr çokollatë kuzhine që shkrihet
125 gr gjalpë
200 gr sheqer
2 vezë
125 gr miell
gjysmë pakoje standarde maja pluhur

Përgatitja
1. Merrni një tavë pjekjeje drejtkëndore dhe visheni me letër furre.
2. Shkrini në banjomari (tas rezistent sipër një tenxhereje me ujë që vlon, pa prekur ujin) 120 gr çokollatë bashkë me gjalpin.
3. Si të jetë shkrirë çokollata me gjalpë, shtojuni me radhë duke rrahur gjithnjë sheqerin, miellin, majanë dhe vezët. Përziejeni derisa të përftoni një masë homogjene, pa u fryrë.
4. Hidheni masën në tavën e përgatitur më parë dhe futeni në furrë me 160 gradë për afro 25 minuta. Kontrolloni pjekjen me një kunjë dhëmbësh; zhyteni dhe nxirreni, dhe nëse kunji del i pastër, brownie-t janë gati.
5. Nxirrini brownie-t nga furra dhe sa është janë të nxehtë, spërkatini me çokollatën e mbetur thërrmuar në grimca, të përhapur kudo njëlloj. Mund edhe ta shkrini çokollatën dhe t’i mbuloni brownie-t me të. Pas pak minutash ftohjeje, pritini brownie-t në 20 katrorë.

 

Tags:

Shendetshmerisht
  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

French Toast i mbuluar me djath krokant

Duke u fokusuar ne pertacine qe karakterizon shiu, sot kam nje rekomandim aq te ...

Menyrat e ndryshme sesi marinohet Pula.

Te gjithe e dine qe per te patur nje mish sa me te shijshem ...

Drejt e nga Brazili: Brigadeiro!

Historitë e ndryshme në internet tregojnë se këta toptha çokollate që ta bëjnë me ...

Troftë me bajame

Kjo është një recetë që e kam marrë nga një libër kuzhine franceze, dhuratë ...

Roasted tomatoes & goat cheese toast

There is something about toasted bread that has always had my fancy. From simple ...