Puding me avokado dhe çokollatë

Kombinim i çuditshëm? Ja që funksionon! Kur mund ta përziejmë çokollatën me spec të kuq djegës, pse mos ta provojmë njëherë edhe me avokado?

Pastaj, mjafton vetëm t’i mblidhni përbërësit dhe t’i hidhni në mikser. Ja ku u bë pudingu!

 

Përbërësit (për 2 persona)

2 avokado të mëdhenj, të pjekur, të prerë në kubikë

3 lugë kakao pluhur

125 ml çokollatë e shkrirë

60 ml qumësht

2 lugë shurup panje (ose mjaltë)

1 lugë çaji ekstrakt vanilje

 

 

Përgatitja

1. Futni në një mikser avokadot, kakaon, çokollatën e shkrirë, qumështin, shurupin e panjës dhe ekstrakt vaniljeje
2. Bluajini derisa të jetë një masë homogjene, duke kruar edhe anët e mikserit për të mos i lënë asgjë pa bluar.
3. Zbrazeni përzierjen në tasa dhe futini në frigorifer.

Shërbejeni pudingun të ftohtë. Ju bëftë mirë!