Receta klasike: Tiramisu!

Personalisht, jam fanse e madhe e ëmbëlsirave me ëmbëlsi dhe hidhësi brenda tyre.

Nuk i dua ëmbëlsirat e sherbetosura, sepse çdo gjë duhet me balancë. Gjithçka duhet të ketë sheqerin dhe kripën e saj, edhe vetë ëmbëlsirat, pavarësisht emrit të tyre.

Cila është ëmbëlsira juaj e preferuar? Imja është tiramisuja, pa pikë dyshimi. Kafeja në këtë ëmbëlsirë është një tjetër element që ma fiton zemrën, ashtu siç ia kanë dalë çokollatat “Pocket Coffee” (edhe këto të preferuara).

Në fund të fundit, tiramisuja është një ëmbëlsirë klasike. Gjynah të mos e trajtojmë në këtë blog, apo jo?

 

Përbërësit (për 6 veta)

5 vezë

3 të bardha vezësh

150 gr sheqer

500 gr djathë mascarpone

Pak kripë

200 gr biskota savoiardi

2 gota kafe e shkurtër

200 gr çokollatë e thërrmuar

1 lugë kakao e hidhur

Përgatitja

  1. Rrihni vezët me sheqer, derisa vezët të marrin ngjyrë shumë të hapur. Shtoni me kujdes djathin mascarpone përpara, pastaj 3 të bardha vezësh të rrahura si borë me pak kripë.
  2. Lyeni fundin e tavës me një shtresë krem nga ky i sapopërgatitur, shtoni biskotat savoiardi që i keni zbutur më parë në kafen e shkurtër, mbulojini me një shtresë tjetër kremi dhe çokollatën e thërrmuar.
  3. Vazhdoni të ndërtoni ëmbëlsirën me shtresa deri në fund. Mbulojeni me shtresën e fundit të kremit, hidhni kakao të hidhur, dhe lëreni në frigorifer për 3 orë së paku.

Ju bëftë mirë!

Tags:

Shendetshmerisht
  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

Bonet, ëmbëlsira nga Piedmonti

Pak persona mund të kenë dëgjuar për këtë ëmbëlsirë nga Piedmonti (veri-perëndim i Italisë), ...

Kroketa me djathë dhe proshutë

Javë më parë, ju dhamë recetën e disa pufkave tepër të lezetshme me djathë ...

Biskota me mjedër, për çajin e mbasdites

Kemi postuar ditet e fundit mjaft receta embelsirash me cokollate, sepse te jemi te ...

Kek me cokollate per 2 minuta

Embelsirat jane pak te veshtira ne mendjen time keshtu qe embelsirat e vetme qe ...

Biskota vegane me çokollatë

Dieta vegane sot nuk shihet me atë paragjykim që shihej në fillimet e saj ...