Kek magjik me çokollatë (vetëm 2 përbërës!)

T’i hysh kekut duhet të zësh pak nga koha jote: ndaç se duhet të masësh përbërësit, ndaç se je me kokën në libër recetash, e me duart mbi tasin e përzierjes.

Megjithatë, ju kanë gënjyer. Mund të gatuash një kek të shijshëm pa pluhurosur kudo me miell, mjafton të marrësh më të mirën e mundshme vetëm nga 2 përbërës.

Për kekun me cokollatë, normalisht, njëri përbërës është çokollata (duh!).

Përbërësi i dytë i këtij keku janë 4 vezë, me të verdhat veç e të bardhat veç. Se si përdorën këto pastaj, është çështje më vete.

 

Amerikanët thonë “Make a dollar out of 15 cents” – “Të marrësh 1 dollar nga 15 centë”, dhe ky kek është një shembull i gjallë i kuptimit të shprehjes.

 

Përbërësit

4 vezë, të bardhat veç dhe të verdhat veç

255 gr çokollatë që shkrihet

Disa versione këshillojnë edhe Nutella në vend të çokollatës që shkrihet, dhe ne nuk kemi gjë kundra kësaj!

 

Për shërbim

Sheqer pluhur

Akullore me vanilje

Fruta sezonale

 

Përgatitja

  1. Ndizni furrën në 170 gradë për ta ngrohur fillimisht.
  2. Vendosni çokollatën në një tas dhe ngroheni në mikrovalë për rreth 1 minutë për ta shkrirë, duke e përzier edhe vetë derisa të shkrijë plotësisht.
  3. Rrihni të bardhat e vezëve derisa të bëhen borë.
  4. Shtoni një nga një të verdhat e vezëve te çokollata, duke i përzier bashkë.
  5. Me një spatul gome, shtoni 1/3 e të bardhës së vezëve te përzierja me çokollatë dhe të verdhë veze, duke i përzier lehtësisht. Përsëriteni procesin me pjesën e mbetur të së bardhës së vezëve, duke shtuar 1/3 e tyre për çdo herë.
  6. Hidheni brumin në një tavë rrethore të bërë me gjalpë, me diametër rreth 15 cm, dhe piqeni në furrë me 170 gradë për 30 minuta.
  7. Pasi keku të jetë ftohur, kthejeni në një pjatë.

Opsionale: Spërkateni me sheqer pluhur, shtoni një kupë akullore me vanilje për secilën copë dhe shërbejeni me fruta sezonale.

Tags:

Shendetshmerisht
  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

Spinaq me qiqra dhe veze te skuqur

Sot, si para ose gjate plakave te marsit – eshte fiks koha per dicka ...

Kalcone (Pica e palosur)

Vështirë të mos e njohim krejt si popull këtë gatim. Gjendet në çdo piceri, ...

Si te pergatisim tzatziqin.

Si te pergatisim tzatziqin.

Cuditemi sesi kjo recete ska ardhur me perpara ne faqen tone teksa nuk ekziston ...

Fileto pule furre me perime.

Si te gatuajme Fileto pule te furres me perime.

Ne baze te ides e te ngrenit shendetshem dhe pa shume kalori vjen receta ...

Gnocchi me patate

Gnocchit e Italise se veriut jane ato me te famshmet, te cilat jane me ...