Banane të karamelizuara me mjaltë & arra

Është nga ëmbëlsirat më të thjeshta për t’u përgatitur, që ime më e ka zakon ta gatisë në vend, pasi na ka shërbyer një drekë të bollshme peshku.

Ka fare pak punë, në fund të fundit, dhe përbërësit shkojnë aq mirë bashkë sa nuk të bëhet më t’i hash veç e veç. Krijuar për njëri-tjetrin, siç i thonë.

 

Përbërësit (për 4 persona)

3-4 banane

2 lugë gjalpë apo vaj kokosi, nëse doni të eksperimentoni pakëz

1 kupë të vogël mjaltë

Arra të qëruara, sasi sipas dëshirës tuaj

1 lugë kanellë

 

Përgatitja

  1. Prisni bananet për së gjati, duke i ndarë në mes, dhe më pas ndajini 3 herë, për të përftuar 6 copa nga secila banane.
  2. Në një tigan shkrini gjalpin apo vajin e kokosit (i jep bananeve një aromë fantastike), dhe kur të jetë nxehur paksa, skuqni në të bananet. Kujdes të mos jetë nxehtësi shumë e lartë, dhe ruajini bananet se mos digjen. Duhet të marrin një ngjyrë të karamelizuar të kafenjtë.
  3. Pasi të jenë skuqur më së shumti nga të dyja anët, shtoni mjaltin, kanellën dhe arrat. Mbulojini bananet dhe arrat me mjaltë duke i kthyer në të, derisa të skuqen plotësisht.

Shërbejini në pjatancë dhe ju bëfshin mirë!

PS: Në vend të arrave, mund të hidhni edhe boronica të kuqe të thata.

Tags:

Shendetshmerisht
  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

Si të përgatisim pasta të freskëta

Kemi dhënë dhjetëra receta pastash, ku vështirësia më e madhe ka qenë përgatitja e ...

Biskota vegane me çokollatë

Dieta vegane sot nuk shihet me atë paragjykim që shihej në fillimet e saj ...

Receta 2 minuteshe: Wrap vegjetarian

Kjo eshte nga ato recetat qe ti jepni drejtim kur po vdisni per te ...

Healthy Greek Chicken Gyros to die for

So it is the middle of the summer and there is nothing better than ...

Kofshe Qengji me Salsa Verde dhe Kos me Mente

Kjo recete eshte nje recete qe eshte per 6-8 veta mundesisht. e ndare ne ...