Keku me banana mund të jetë nga ëmbëlsirat më të shëndetshme. Mund ta shoqëroni me një filxhan kafe, ose mund të shkoni akoma më larg: ta mbuloni me krem apo një shtresë çokollatë, nëse jeni adhurues i saj.
Përbërësit
6 banane të shtypura (si pure)
90 gr sheqer kaf
60 ml vaj
2 vezë të rrahura
1 lugë çaji esencë vaniljeje
315 gr miell
½ lugë çaji bikarbonat sode
2 lugë kafe e bluar, e tretur në 4 lugë çaji ujë të nxehtë
Sheqer pluhur
Përgatitja
- Merrni bananet, sheqerin, vajin, vezët dhe vaniljen dhe përziejini bashkë.
- Sitni miellin dhe bikarbonatin e sodës bashkë në një tas, dhe përziejini me bananet e shtypura dhe kafenë e tretur.
- Masën e përzier mirë hidheni në një formë pjekjeje dhe futeni në furrë me 180 gradë, për rreth 40 minuta, derisa të piqet.
Lëreni të ftohet dhe spërkateni me sheqerin pluhur.
Show Comments (0)