Kemi dashur të ndajmë disa receta tortash me ju, por fatkeqësisht krahas recetës së tortës duhet të përfshinim edhe atë pandispanjës, bazës së tortës. Si t’jua themi ndryshe… përtonim pak.

Megjithatë, ja ku po ju shkruajmë sot recetën e këtij keku, dhe në recetat e mëvonshme të tortave do të referohemi gjithnjë këtu, për të mos përsëritur të njëjtën gjë çdo herë.

Mund të vini që tani imagjinatën tuaj në punë dhe të caktoni vetë ç’do t’i shtoni pandispanjës tuaj. Çokollata s’dështon kurrë.

 

Përbërësit (për 6 veta)

6 vezë

160 gr sheqer

Lëkura e grirë e një limoni

90 gr miell (tipi 00)

Pak kripë

80 gr miell patatesh

 

Përgatitja

  1. Rrihni vezët me sheqer, direkt në një tenxhere të vogël dhe në banjomari, ngrohini derisa të fryhen dhe të bëhen me shkumë.
  2. Hiqeni tenxheren nga zjarri, shtoni lëvoren e grirë të limonit dhe vazhdoni ta rrihni derisa të ftohet.
  3. Shtoni miellin e situr me kripë dhe miellin e patateve, përziejini me shumë kujdes që të mos ulni vezën e rrahur, me lëvizje të lehta.
  4. Hidheni brumin në tavë të bërë me gjalpë e miell. Piqeni në furrën tashmë të nxehur me 160 gradë, nxehtësi që i vjen vetëm nga poshtë, për 40 minuta.

Tags:

Shendetshmerisht
  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

Byreku më i thjeshtë në botë

Unë jam rritur me konceptin që të djelave shkohet nga prindërit, edhe mami bën ...

Pufka “Margarita” (me tekila!)

Kujt mund t’i bëjnë dëm ëmbëlsirat? Mund të jenë të vetmet krijime që shijohen ...

Biskota vegane me çokollatë

Dieta vegane sot nuk shihet me atë paragjykim që shihej në fillimet e saj ...

Si të përgatisim reçel qershie

Nga të gjithë reçelnat që përgatit ime më, dhe ajo bën vërtet shumë, sepse ...

Gatuaj pa receta Seria 2: Revolucion Indian me Spinaq dhe Qiqra

Kjo eshte nga keto recetat qe do te besh dicka healthy por vetem spinaq ...