S’mores: Biskota, marshmallow dhe çokollatë

Ne shqiptarët s’e kemi fort të përhapur kulturën e kampingut, dhe aq më pak të shkopave me marshmallow (në shqip: alte) të ngulur në to, që shkrihen pranë zjarrit.

Në fakt, nuk është nevoja të shkojmë kaq larg për të provuar këtë snack, përkundrazi: në kushte shtëpie mund të përgatisim diçka edhe më të shijshme!

Receta e kësaj ëmbëlsire quhet s’mores, dhe është një shkurtim i “some more” (ca më shumë). Një emër tjetër është “sanduiç me alte”.

 

Përbërësit

24 biskota të thata Graham (ose biskota të tjera të sheshta nëse s’keni)

2 kallëpë çokollatë (me qumësht ose e zezë)

24 alte (masë standarde)

 

 

Përgatitja

1. Nxeheni fillimisht furrën në 180 gradë. Në një tavë vendosni letër furre dhe rregullojini 24 biskotat mbi të.
2. Mbi secilën biskotë vendosni 1 katror çokollatë dhe 1 alte.
3. Futeni tavën në furrë për 4-6 minuta, sa për të shkrirë çokollatën dhe altet.
4. Nxirrni tavën nga furra dhe vendosni një tjetër biskotë mbi to për të bërë një sanduiç.