Biskota gazmore me limon

Vazhdoj të këmbëngul për ëmbëlsira sa të ëmbla, aq edhe të kripura, apo të athta në këtë rast.

Ashtu siç preferoj akullore me limon, preferoj ta përfshij limonin edhe në biskota, dhe biskotat me limon që do të trajtojmë sot janë perfekte për t’i provuar!

Ngjyra e tyre e hareshme diellore të kënaq sytë, pa llogaritur pastaj shijen e tyre  që ta ngre humorin me një kafshatë!

 

Përbërësit

230 gr gjalpë

100 gr sheqer

250 gr miell gjithë-përdorimësh

Për kremin e limonit

2 limonë të shtrydhur

30 gr miell

250 gr sheqer

4 vezë

 

 

Përgatitja

1. Nxeheni fillimisht furrën në 180 gradë.
2. Në një tas mesatar, përzieni gjalpin e zbutur, miellin dhe sheqerin derisa të bëhet masë homogjene. Hidheni brumin në fundin e një tave 23×33 cm dhe piqeni në furrë për 15-20 minuta.
3. Në një tas tjetër, rrihni sheqerin dhe miellin e mbetur, dhe hidhni lëngun e limonit dhe vezët duke i përzier. Shtojani përzierjen brumit të pjekur.
4. Piqini në furrë për 20 minuta të tjera, dhe lërini të ftohen. Prisni kuadrate të vegjël dhe spërkatini me sheqer pluhur.