Kjo është një recetë që e kam marrë nga një libër kuzhine franceze, dhuratë nga daja im për mamanë time, vite më parë. Kur mërzitemi me receta të thjeshta alla shqiptarçe që dimë t’i gatuajmë symbyllur, i hedhim një sy këtij libri dhe i ngrejmë produktet e thjeshta në nivel kulinarie franceze, kuzhina më e mirë në botë.

Le të marrim troftën, për shembull. Ne shqiptarët thjesht mund ta skuqim, pjekim ose maksimalisht ta bëjmë troftën tavë, me patate, perime etj. Ju kishte shkuar ndonjëherë ndërmend që ta shoqëronit troftën me një salcë me bajame? Jo, vetëm francezi i mendon gjërat në mënyrë kaq të rafinuar.

Në Normandi, bajamet zëvendësohen me lajthi, dhe mund të bëni të njëjtën gjë nëse nuk jeni fans aq i madh i bajamave. Sido të jetë, të dyja versionet janë të shijshme.

Përbërësit (për 2 persona)
2 trofta (rreth 350 gr secila), të pastruara
40 gr miell
4 lugë gjalpë
30 gr bajame në feta të holla
2 lugë verë e bardhë
kripë, piper

Përgatitja
1. Lajeni troftën dhe thajeni. Vendoseni miellin në një qese plastike dhe shtoni kripë e piper sipas dëshirës.
2. Futini troftat një nga një në qesen me miell dhe tundeni qesen për t’i mbuluar troftat me miell. Nxirrini troftat dhe shkundni miellin e tepërt.
3. Shkrini gjysmën e gjalpit në një tigan të gjerë me flakë mesatare. Kur gjalpi të bulëzojë, shtoni troftat një nga një dhe gatuajini 6-7 minuta nga secila anë, derisa të marrin ngjyrë kafe të artë. Kalojini troftat në një pjatancë dhe mbulojini.
4. Shtoni gjalpin e mbetur në tigan dhe gatuajini bajamet derisa të marrin ngjyrë kafe të lehtë. Shtojuni verën dhe ziejini për 1 minutë, duke përzier vazhdimisht, që të bëhet si shurup.
5. Shtojeni shurupin me bajame sipër troftave dhe shërbejini menjëherë.

Tags:

Shendetshmerisht
  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

Djuner Pitka – Sandwici bullgar me epik qe ekziston

Bullgaria, si shume vende te ballkanit (duke perfshire dhe ne e) krenohemi per disa ...

Pjata te shendetshme nga lindja: Sallata Fatush

Si per jave te mbare nje sallate persembari. E ardhur nga lindja e mesme ...

Banane të karamelizuara me mjaltë & arra

Është nga ëmbëlsirat më të thjeshta për t’u përgatitur, që ime më e ka ...

Kallamarë të mbushur

Këtë recetë e kam hasur në një libër me receta greke, sepse afërmendsh, nuk ...

Receta bazike: Krepa!

E di që keni ngrënë krepa të paktën një herë në jetën tuaj. Qoftë ...

French Toast i mbuluar me djath krokant

Duke u fokusuar ne pertacine qe karakterizon shiu, sot kam nje rekomandim aq te ...