Ndonëse këtu në Delicious preferohen më tepër recetat e pastave të ndryshme (klikoni këtu për t’i parë), një tjetër gatim është po aq i suksesshëm sa makaronat në kulinari, dhe ky gatim është rizoto. Në fakt, më lini t’ju jap një shembull: Gjatë fundjavave në bregdet me familjen, kur vjen ora e drekës, gjithnjë nuk di në të zgjedh spageti apo rizoto me fruta deti, megjithëse në fund përfundoj tek e para. Mos keni gjë të njëjtën mëdyshje?

Duhet ta pranojmë veç, se ndonëse pastat mund të preferohen më tepër, orizi i rizotos është karbohidrat më i shëndetshëm. Për pasojë, në vijim do të shkëputemi pak nga recetat e pastave dhe do të pasurojmë kategorinë “Rizoto” (që gjendet këtu).

Ka shumë përbërës që mund t’i bashkangjisim rizotos për ta bërë më të shijshme, por për sot kemi zgjedhur kërpudhat.

 

Përbërësit (për 4 persona)
30-40 gr kërpudha të thata
5 lugë vaj ulliri
1 qepë e vogël e grirë
100 ml verë e bardhë
350 gr oriz i imët
1 litër lëng mishi (koncentrat ose i vluar)
1 lugë majdanoz i grirë
kripë

Përgatitja
1. Këpudhat e thata futini në një tas me ujë të vakët për gjysmë ore që të përtërihen, pastaj thajini dhe grijini trashë. Ujin e kërpudhave mbajeni veç.
2. Në një tenxhere me vajin e ullirit, zbusni qepën në flakë të ulët, sa të bëhet transparente. Shtoni kërpudhat dhe lërini të japin shije për 2-3 minuta.
3. Hidhni orizin në tenxhere, përziejini në flakë mesatare për 1 minutë, pastaj lageni me verën e bardhë dhe, kur kjo të jetë thithur, vazhdoni edhe me ujin e kërpudhave, gjithmonë duke përzier.
4. Shtoni pak nga pak lëngun e mishit në tenxhere derisa të ziejë orizi: do të duhen afro 18 minuta. 2-3 minuta para se të fikni zjarrin, shtoni edhe majdanozin dhe provojeni rizoton për kripë, duke shtuar sipas dëshirës. Përzieni gjithçka mirë, lërini edhe minutat e fundit dhe fikni zjarrin.

Shërbejeni rizoton siç është, ose edhe me djathë kaçkavall të grirë sipër.

Tags:

Shendetshmerisht
  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

Quinoa Tabbouleh

Duke u pergatitur per veren eshte e rendesishme te marrim vlerat ushqimore te nevojshme ...

Fettuccine me pule dhe salce alfredo

Nje nder gjerat me interesante dhe te thjeshta per te gatuar jane pastat dhe ...

Crème brûlée (Krem i djegur)

Është e pamundur të mos e keni hasur këtë ëmbëlsirë! Mund ta keni parë ...

7 Rregulla per nje cheesecake persembari

Cheesecake ne mendimin tone jo-profesional jane dhurata e natyres duke kombinuar djath dhe torte ...

Kroketa me djathë dhe proshutë

Javë më parë, ju dhamë recetën e disa pufkave tepër të lezetshme me djathë ...

Ëmbëlsirë me mjedër & çokollatë

Nuk mund të thuhet se mjedrat janë gjerësisht të përdorura nga shqiptarët. Edhe unë ...