“Oriz i zi” me çokollatë

S’merret vesh moti! Nga një fundjavë ku të gjithë ishim në plazh, duke marrë nxirjen e parë të vitit, kaluam sërish një hap mbrapa, në shira të dendur.

Megjithatë, përfitojmë nga moti për t’ju dhënë recetën e një ëmbëlsire dimërore që na ngeli peng që s’jua dhamë në muaj më të ftohtë. Ky puding me oriz do t’ju ngrohë dhe do t’jua ngrejë humorin në këtë zymtësi, falë çokollatës që ka në të.

Me kujdes ama, sepse sado e pengojnë retë, moti i ngrohtë dhe stina e verës s’është larg. Sigurohuni të mos e teproni më ëmbëlsirat, për të ruajtur trupin e plazhit.

Profili ynë i Instagramit duhet mbushur me foto me bikini edhe këtë vit.

 

Përbërësit (për 6 veta)

1 litër qumësht

100 gr sheqer

500 gr oriz

200 gr çokollatë që shkrihet

pak kanellë

 

Përgatitja

  1. Ziejeni qumështin me sheqerin në një tenxhere.
  2. Kur qumështi të vlojë, shtoni menjëherë orizin dhe ziejeni për 20 minuta, ose derisa ai të zihet mirë dhe ta ketë thithur qumështin.
  3. Hidhini pastaj ¾ e çokollatës dhe kanellës, dhe përzieni gjithçka derisa të rezultojë e ngjizur mirë.
  4. Hiqeni nga zjarri dhe ndajeni në kupa. Spërkateni me çokollatën e mbetur.

Shendetshmerisht
  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

Biskota vegane me çokollatë

Dieta vegane sot nuk shihet me atë paragjykim që shihej në fillimet e saj ...

Fettuccine me pule dhe salce alfredo

Nje nder gjerat me interesante dhe te thjeshta per te gatuar jane pastat dhe ...

Akullore me çokollatë (3 përbërës!)

Bëmë një sondazh para disa ditësh në Instagramin e Delicious (@deliciousalbania), mbi preferencën e ...

Puding me oriz

Duke vazhduar me receta pudingu, sot kemi për ju puding orizi. Rrushi i thatë ...

Biskota me çokollatë (perfekte për mëngjes)

Ua dëgjojmë shpesh amerikanëve si term “chocolate chip cookies”, dhe me shumë mundësi këto ...