Tortë fshati me mollë

Versunkener Apfelkuche – apo tortë me mollë të zhytur është një kek tradicional gjerman, dhe emri i ëmbëlsirës e përshkruan më së miri strukturën e saj.

Jo vetëm që është një tortë unike, por edhe mjaft e thjeshtë në përgatitje, me përbërës të zakonshëm  dhe shumë e shijshme. Kështu që, edhe nëse nuk ndiheni plotësisht të sigurt në gatim, me këtë ëmbëlsirë rrezikoni pa frikë.

Keni rastin të jeni edhe krijues me dizenjon e tortës!

 

Përbërësit

125 gr gjalpë

100 gr sheqer

lëvorja e grirë e një limoni

2 vezë

pak kripë

220 gr miell (tipi 00)

5 lugë qumësht

1 pako maja pluhur

4 mollë të barabarta

lëng limoni

xhelatinë kajsie

 

Përgatitja

  1. Rriheni gjalpin me sheqer dhe lëvore limoni të grirë (vetëm pjesën e verdhë, pa kaluar te shtresa e bardhë), derisa të bëhet krem.
  2. Shtoni vezët një nga një duke vazhduar rrahjen, dhe më pas shtoni kripë, miell të situr, qumësht dhe në fund majanë. Përziejini mirë, që të bëhet një masë e njëtrajtshme.
  3. Hidheni brumin në një tavë rrethore të bërë me gjalpë e pak miell.
  4. Qërojini mollët, ndajini përgjysmë. Hiquni gjysmave farat. Spërkatini mollët me lëngun e limonit që të mos nxihen, dhe bëjuni prerje paralele në sipërfaqe, lehtë, për t’u dhënë dizenjo. Mund të bëni edhe prerje kuadrate, pra me viza horizontale dhe vertikale, apo çfarëdo dizenjoje tjetër që ju vjen në mendje.
  5. Njërën gjysmë vëreni në qendër të brumit, pa e shtypur shumë, ndërsa gjysmat e tjera rreshtojini rreth gjysmës në mes. Brumi do të fryhet rreth mollëve dhe do të japë përshtytjen se mollët janë zhytur në të.
  6. Piqeni ëmbëlsirën në furrë me 180 gradë për 45 minuta. Kur torta të jetë pjekur, lyejeni sipërfaqen e saj me pak xhelatinë kajsish dhe shërbejeni.

Tags:

Shendetshmerisht
  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

Tapas: Gambas Al Ajillo | Karkaleca me Hudhra super te thjeshta

Post fundjaves te tejmbushur me mish te pafundem (eshte nje defincence e jona – ...

Cocktail veror me gin dhe manaferra te fresketa

E keni parasysh ate pjesen gjate gatimit qe do te engledisesh me dicka. Per ...

Tendeca Aziatike me fileto pule dhe perime

Kohët e fundit jam përpjekur dhe kam eksploruar gatimet aziatike të cilat kanë një ...

Negroni: Aperitivi Superior

Eshte e premte dhe e premtja do pakez alkool para darke, vere gjate darkes, ...

Biskota me mente & çokollatë (inspiruar nga “After Eight”)

Çokollatë dhe mente? S’duken si dy përbërës që shkojnë bashkë, apo jo? Megjithatë, nëse ...