Drejt e nga Brazili: Brigadeiro!

Historitë e ndryshme në internet tregojnë se këta toptha çokollate që ta bëjnë me sy, u krijuan në nder të brigadierit Eduardo Gomes (kjo shpjegon emrin), i cili kandidoi për presidencën e Brazilit në vitin 1945.

Gratë e vendit, të magjepsura pas bukurisë së tij, e ndihmuan në fushatën elektorale, duke krijuar ëmbëlsirën e famshme braziliane, për ta shitur atë dhe mbledhur paratë e nevojshme. Brigadieri Gomes e humbi garën, por i dha jetë topthave Brigadeiro, të famshme dhe të rrëmbyera nga të gjithë që prej viteve ’40.

Mund të jeni djem bukuroshë dhe t’ua këpusni zemrën vajzave, por sa prej jush kanë një ëmbëlsirë për nderin tuaj?

Sidoqoftë, kjo është një legjendë urbane me shumë mundësi. Receta e mëposhtme është më se reale ama!

 

Përbërësit (për 20 toptha)

1 kanaçe qumësht të kondensuar (395 gr)

1 lugë gjalpë pa kripë

4 lugë pluhur kakaoje

Sprinkles çokollate (ose arrë kokosi)

 

Përgatitja

  1. Lyeni me gjalpë një enë porcelani ku do të derdhni më vonë përzierjen.
  2. Vendosni një tenxhere në nxehtësi të ulët dhe fusni gjalpin, qumështin e kondensuar dhe pluhurin e kakaos, dhe pëziejini me lugë druri për rreth 7 minuta, duke pasur kujdes mos digjet.
  3. Pas 7 minutash, vëreni përzierjen. Duhet të ketë pamje brumi më tepër se sa të lëngshme, dhe fundi i tenxheres mund të shihet më qartë. Brumi duhet të shkëputet më lehtë nga tenxherja. Procesi i gatimit do rreth 10 minuta, fikni nxehtësinë dhe pëziejeni edhe për 1 minutë, duke pasur kujdes mos e digjni.
  4. Vendoseni brumin tek ena e porcelanit dhe lëreni të ftohet. Pasi të ftohet, formoni toptha me lugë dhe dorën tuaj.
  5. Derdhni sprinkles-at apo arrën e kokosit në një tjetër enë dhe rrotulloni në to topthat. Vendosini brigadeiro-t në një enë gati për t’i shërbyer.

 

Tags:

Shendetshmerisht
  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

Souffle me limon

Mund të jetë thjesht shija ime, por ëmbëlsirat tejet të sheqerosura më kanë tërhequr ...

Crème brûlée (Krem i djegur)

Është e pamundur të mos e keni hasur këtë ëmbëlsirë! Mund ta keni parë ...

Si te gatuajme Biftek me gjalp dhe perime te furres

  Vazdojme e flasim per gjera te mira dhe te thjeshta dhe receta e ...

Toasted lunch getaway – Beef, veggies and provolone sandwich

Lets say that you are working on Saturday and need something easy and as ...

Cocktail veror me gin dhe manaferra te fresketa

E keni parasysh ate pjesen gjate gatimit qe do te engledisesh me dicka. Per ...

Simple Dominican Yellow yummy Rice

When I say Dominican I think of Punta Cana, beautiful beaches, filled with crazy ...