E hasa këtë recetë me emrin Pula “Maryland”, dhe  ekziston vërtet një gatim i tillë, lidhur me shtetin Maryland në SH.B.A., por nuk është gjë tjetër veçse pulë e skuqur, siç mund të keni parë në lokalet “KFC”.

Me që ra fjala, si ju duket ajo pulë? E provova herën e parë që u hap një dyqan “KFC”, dhe ndonëse ishte me mjaft shije, nuk më shkon ndërmend se si mund të jetë nga ushqimet më të dashura dhe të konsumuara amerikane. Stereotipi i dashurisë së amerikanëve për gjërat e skuqura është i vërtetë, më besoni. Kanë edhe panaire kushtuar vetëm ushqimeve të skuqura tej për tej, si pulë, Oreo, shalqi dhe një tub gjalpë.

Por sidoqoftë, rikthehemi te pula. Vërtet nuk është nevoja t’ju themi që duhet ta konsumoni vetëm një herë në sa kohë, nëse ju dhimbset zemra juaj, ama s’mund t’ju lëmë edhe pa recetën e saj.

Ah, duhet t’ju themi edhe diçka: Pula “Maryland” zakonisht shoqërohet me banane të skuqura.

 

Përbërësit (për 4 persona)

4 kofshë pule të mëdha

1 vezë e rrahur

3 lugë qumësht

100 gr thërrime buke të thara

1 lugë çaji spec i kuq

½ lugë çaji pluhur hudhre (ose hudhër e shtypur)

vaj për skuqje

Përgatitja

  1. Në një tas të vogël kombinoni vezën me 3 lugë qumësht.

2. Në një tjetër tas, kombinoni thërrimet e bukës me specin e kuq dhe hudhrën.

3. Zhytni copat e pulës te veza, më pas rrotullojini në thërrime buke.

4. Mbushni fundin e tiganit me rreth 1.5 cm vaj, më pas skuqni copat e pulës me thërrime, derisa të marrin ngjyrë të artë dhe të skuqen tejpërtej. Thajini kofshët në letër kuzhine.

Ju bëfshin mirë!

 

Tags:

Shendetshmerisht
  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

Si te gatuajme Fileto Vici ne tigan

Kam pershtypjen qe nese keni lexuar postimin e fundit, Receten Biftek me gjalp dhe perime ...

Cheesecake me oreo dhe Nutella e papjekur

Njёra ndёr shoqet mё tё mira pati datёlindjёn kёtё jave, kёshtu qё vendosa ta ...

Pule me mustarde, mjalte, rozmarine dhe patate

Sic mund ta keni vene re, recetat e pules jane te preferuarat e mija, ...

Crème brûlée (Krem i djegur)

Është e pamundur të mos e keni hasur këtë ëmbëlsirë! Mund ta keni parë ...

Sallatë me oktapod

Me ardhjen e fundjavës vjen edhe koha për t’iu rikthyer gatimeve të detit, mbase ...