Nuk kisha dëgjuar kurrë për këtë gatim, derisa e zbulova në botën e Youtube-t. Siç dallohet nga vetë emri, vezët skoceze janë mjaft të famshme në Britaninë e Madhe.

Nëse ne mjaftohemi me një vezë të zier, apo vezë të gatuara në stile të ndryshme; sy, omletë etj., britanikët i rrethojnë vezët e tyre me mish salçiçesh.

Ndërhyrje: Mund t’i zieni vezët tuaja derisa të ngurtësohen krejt, ose mund t’ua lini të verdhën e pazier, duke i zier vetëm 6 minuta (fiks!) në zjarr, që të merrni një prerje të bukur kur ta ndani vezën në gjysmë.

Ky gatim është një ushqim pikniku, apo një pjatë e zakonshme në pub-et angleze, të cilët shërbejnë ushqim të thjeshtë dhe të shpejtë shtëpie. Disa mund ta shoqërojnë vezën skoceze me gravy, që është lëng i trashë mishi në ngjyrë kafe, por më ka hasur syri edhe komente që shprehen kategorikisht kundra këtij kombinimi.

Sidoqoftë, ju konsumojini si të funksionojnë më mirë për ju! Një tjetër recetë salce për këto vezë, është salca e bërë gjysmë me majonezë, dhe gjysmë me mustardë, me pak spec të kuq për shije.

 

Përbërësit (për 2-4 persona)

  • 250 gr mish për salçiçe
  • 1 lugë majdanoz i grirë hollë
  • 1 lugë salcë domatesh
  • kripë e piper i zi
  • 125 gr miell
  • 4 vezë të ziera e të qëruara
  • 1 vezë e vogël, e rrahur
  • 60 gr thërrime buke të thatë
  • vaj për të fërguar

Përgatitja

  1. Vëreni mishin e salçiçeve në një tas së bashku me majdanozin dhe salcën e domateve dhe përziejini mirë. Hidhni kripë e piper sipas dëshirës. Ndajeni përzierjen e mishit në 4 pjesë dhe shtypini që të hapen.
  2. Vendosini vezët në mes të mishit të hapur, duke e mbyllur pastaj me kujdes që të mbulohet e gjithë veza. Modelojeni mishin me kujdes që të jetë uniform.
  3. Kalojini vezët me mish në miell, më pas në vezën e rrahur, më pas në thërrimet e bukës.
  4. Nxehni vajin dhe kalojini vezët në të për t’i skuqur; fërgojini për 6-8 minuta derisa të prarohen. Kullojini në letër thithëse kuzhine dhe shërbejini të nxehta ose të ngrohta sipas dëshirës.

Tags:

Shendetshmerisht
  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

Menyrat e ndryshme sesi marinohet Pula.

Te gjithe e dine qe per te patur nje mish sa me te shijshem ...

Si te bejme krepa: Krep me Nutella dhe Banane

I keni parasysh ato krepat e petroninit? Doni te dini si behen? Do ju ...

Si te gatuajme shendetlie

Si te gatuajme Shendetlie

Dyshoj te kete njeri qe mos ta dije se cfare eshte Shendetlia. Embelsire tradicionale ...

Receta bazike: Brumi i picës

Në recetat bazike që kemi dhënë deri më sot, nuk ka si mungon një ...

Nachos te bera ne shtepi

Nachos të bëra në shtëpi, janë një qasje e lezetshme për ti bërë në ...

Receta bazike: Pulë e skuqur

E hasa këtë recetë me emrin Pula “Maryland”, dhe  ekziston vërtet një gatim i ...