Krem me çokollatë dhe portokall

Të përfitojmë sa jemi në stinë portokallesh, dhe të mos i hamë thjesht të qëruar, ndonëse janë perfektë ashtu siç janë.

Megjithatë, çdo gjë bëhet më e mirë me çokollatë!

 

Përbërësit

300 gr çokollatë

100 gr sheqer pluhur

250 gr gjalpë

Gjysmë gote liker portokalli ose lëng portokalli nëse s’keni

600 ml ajkë

8 të verdha vezësh

125 gr sheqer

 

Përgatitja

1. Vendosni çokollatën, sheqerin, gjalpin, dhe likerin e portokallit në një enë dhe shkrijini në banjomari, duke i përzier herë pas here. Fikni pastaj zjarrin por lëreni enën brenda në ujin e vluar.
2. Rrihni të verdhat e vezëve, hiqni çokollatën nga banjomaria dhe shtojini vezët e rrahura. Bëjini njësh me çokollatën, do t’ju duhen 10 minuta.
3. Hidhni aty edhe ajkën dhe mos e rrihni në lëvizje rrethore, por nga lart poshtë, derisa të njëtrajtësohet.
4. Vëreni ëmbëlsirën në një enë dhe ftoheni në frigorifer për 3 orë para se ta shërbeni.