Kujt mund t’i bëjnë dëm ëmbëlsirat? Mund të jenë të vetmet krijime që shijohen nga të gjithë, i madh e i vogël.
… derisa ti vendos të përziesh sheqerin me alkoolin, sepse pikërisht këtë gjë do të bëjmë sot.
Rrëmbeni një shishe tekila, dhe bëhuni gati të përgatisni pufkat “Margarita”, ekuivalenti në formë ëmbëlsire i pijes së famshme!
Përbërësit (për 12 pufka)
60 gr rrush i thatë
2 lugë tekila
2 lugë leng lime-sh (limon jeshil)
250 gr miell
90 gr sheqer
1 pako maja pluhur
1 lugë bikarbonat sode
2 vezë të rrahura
250 ml qumësht i skremuar
1 lugë lëvore limoni e grirë
1 lugë levore lime e grirë
kripë
Përgatitja
- Zbuteni rrushin e thatë me tekila dhe lëng lime-sh për 30 minuta.
- Në një pjatë të gjerë përzieni miellin, sheqerin, majanë dhe bikarbonatin e sodës. Bëni një vrimë në mes dhe shtoni vezët dhe qumështin e skremuar. Shtoni edhe lëvoret e grira të limonit dhe lime-t, rrushin e thatë, dhe përziejini derisa të bëhet një masë homogjene.
- Hidheni këtë masë në stampa për pufka (cupcakes), të lyera me gjalpë, dhe hidhuni fare pak kripë.
- Piqini në furrën e ngrohur më parë në 200 gradë për 20 minuta, ose derisa të marrin ngjyrë në sipërfaqe. Provojini pufkat duke futur një kunjë dhëmbësh në to, e cila duhet të dalë e pastër.
Mbajini pufkat larg fëmijëve!
Show Comments (0)