Ëmbëlsirat e vogla në formë topthi mund të jenë dhurata më e mirë në botë, si një surprizë “thjesht sepse”.
Mjafton të keni një kuti të bukur ëmbëlsirash ku mund të rreshtoni disa toptha me çokollatë, për t’ia dhuruar një personi të dashur për ju thjesht sepse është e enjte.
Qofshin këto toptha ëmbëlsirat Brigadeiro që kemi trajtuar pak javë më parë, apo tartufët me çokollatë që do të trajtojmë sot, dhurata juaj do t’ia qeshë këto ditë të zymta e me shi marrësit të saj.
Përbërësit (për 20 tartufë)
50 gr gjalpë
50 gr sheqer pluhur
2 të verdha vezësh
100 gr ajkë e lëngshme
1 pako e vogël sheqer me vanilje
300 gr çokollatë e grirë
4 lugë kakao e hidhur pluhur
Përgatitja
- Rriheni gjalpin me sheqerin pluhur derisa të bëhet si krem dhe shtoni, duke punuar vazhdimisht, të verdhat e vezëve, njërën pas tjetrës.
- Ziejeni ajkën dhe treteni aty sheqerin me vanilje. Hidheni ajkën e vluar në kremin me gjalpë, përziejeni aty çokollatën e grirë dhe lëreni në frigorifer të ftohet.
- Duke përdorur një lugë, formoni toptha dhe kalojini në kakaon pluhur. Lërini të ftohen në frigorifer derisa t’i shërbeni.
Show Comments (0)