Pastat e të gjitha llojeve njihen dhe adhurohen në tërë botën, por Italia duhet falënderuar edhe për një tjetër lloj brumi me formë me të cilin e ka bekuar kulinarinë.

Ndryshe nga pastat e tjera, të famshmet njoki (gnocchi) bëhen me brum patatesh, dhe kanë shije më karakteristike. Për pasojë, duan vetëm një salcë të thjeshtë me gjalpë, për t’iu përshtatur shijes së tyre. Megjithatë, nëse doni të eksperimentoni me salca, epo… çlironi imagjinatën! Na thoni edhe ne po gjetët një kombinim vërtet të mirë!

Jo vetëm shija, por edhe forma e lezetshme e njokive, si jastëkë të butë, i bën të parezistueshme. Mund të nisni t’i bëni që në këtë moment, sepse me siguri keni çdo përbërës të nevojshëm për to në kuzhinën tuaj.

 

Përbërësit (për 4 persona)

750 gr patate

3 vezë

150 gr miell

kripë e piper

pak arrëmyshk

60 gr gjalpë

100 gr kaçkavall parmixhan i grirë

 

 

Përgatitja

  1. Ziejini patatet bashkë me lëkurë derisa të zbuten. Qërojini dhe shtypini sa janë ende të ngrohta.
  2. Rrihni të bardhat e vezëve derisa të bëhen në formë bore, shtojani patateve, më pas shtojuni edhe të verdhat. Përzieni gjithçka mirë.
  3. Miellin, kripën, piperin, arrëmyshkun dhe patatet vërini në një tenxhere në banjomari, pra mbi një tenxhere tjetër ku po vloni ujë. Përziejini vazhdimisht që përbërësit të ngjizen mirë. Nxehtësia që vjen nga uji e bën më të lehtë punimin e përbërësve.
  4. Hiqeni nga zjarri masën dhe shtoni gjysmën e djathit kaçkavall, duke i përzier derisa të formohet një masë brumi. Gjysmën tjetër të kaçkavallit vëreni në zjarr me gjalpin, për të formuar një salcë për njokit.
  5. Vendosni një tenxhere me ujë të kripur për të zier, dhe nga ky brum i përgatitur formoni njoki me lugë të vogla, për t’i hedhur në ujë. Kur njokit ngjiten në sipërfaqe, kullojini dhe vërini në një pjatë. Hidhuni sipër salcën e përgatitur.

Ju bëftë mirë!

Tags:

  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

3 Pasta verore qe kemi pritur gjithe vitin per ti bere

Gjate veres jane teresisht normale pushimet verdalle, dhe ku ka me mire nese jeni ...

Pulë Satay me salcë kikirikësh

Nga emri ngjan si një pjatë “fancy”, apo jo? Mos u trembni! Pula Satay ...

Pule me kerpudha, mente dhe copa buke gjigande

Kjo eshte nje pjate pak speciale, me disa hapa por qe e gjitha behet ...

Tortë me fruta pylli

Të hidhemi nga anët e shëndetshme të gatimit tani, me që u bënë disa ...

Tost me Fiq, mjalte dhe filadelfia

Sapo pashe ne dyqanin e lagjes fiq qe dmth eshte koha per te eksperiementuar ...