Xhenxhefili dallohet për shijen e tij mjaft të fortë. Mund ta keni hasur te sushi, në formën “gari” (xhenxhefil turshi, për pastrimin e qiellzës), por sot xhenxhefilin do ta përdorim si ëmbëlsirë.
Dardha të ziera me xhenxhefil, të sherbetosura dhe shumë të shijshme!
Përbërësit
700 gr dardha
½ filxhan lëng limoni i shtrydhur
100 gr sheqer
1 degë e vogël xhenxhefili grirë hollë
Përgatitja
- Qërojmë dardhat dhe u heqim farat. I presim për së gjati në pjesë të holla. I spërkasim me lëngun e limonit që të mos kthehen në ngjyrë kafe.
- Dardhat me sheqerin dhe xhenxhefilin i hedhim në tenxhere dhe i mbulojmë tërësisht me ujë. I ziejmë për 10-12 minuta, derisa dardhat të zbuten. I nxjerrim dardhat, i kullojmë pak në letër dhe i vendosim në pjatën ku do serviren.
- Lëngun në tenxhere e lëmë të vlojë më tepër derisa të bëhet si shurup. Spërkatni me të dardhat.
Show Comments (0)