Është e habitshme se sa gjëra unike mund të krijosh me petë sfoliat dhe pak reçel luleshtrydheje. Nxirrni anën tuaj artistike dhe krijoni zarfe të vegjël brumi me mesazhe të ëmbla dashurie (luleshtrydheje) brenda saj.
Përbërësit
2 pako petë sfoliat
1 kavanoz reçel luleshtrydheje
1 vezë të rrahur
Sheqer pluhur
Përgatitja
- Hapni petën në sipërfaqe të bërë me miell. Prisni forma rombi, sa më tepër të mundeni nga ato, me thikë. Po ashtu, prisni edhe forma të vogla zemre. Brumin e mbetur mund ta mblidhni dhe shtroni prapë për më tepër rombe.
- Mbi format e rombit vendosni reçel luleshtrydheje në mes dhe palosni rombet si zarf të hapur, duke vendosur zemrën prej brumi në mes të puthitjes.
- Vendosini zarfet në një tavë pjekjeje dhe lyejini me vezën e rrahur. Piqini në furrë për 15 minuta, me 190 gradë, derisa të bëhen të artë.
Spërkatini me sheqer pluhur.
Show Comments (0)