Me perhapjen e veganizimit, degjojme gjithnje e me teper “falafel, falalel”… po çfarë janë ato vallë?
Qofte me qiqra, ardhur nga Lindja e Mesme dhe të shijshme, duhet thënë, këto qofte kanë edhe avantazhin e të qenit vegane, për ata persona me ideale të forta dhe rregulla të mirëpërcaktuara në lidhje me konsumin e kafshëve.
Qofshi ose jo veganë, ju sugjerojmë që të mos i lini pa i provuar!
Përbërësit (për 6-8 veta)
500 gr qiqra të thata
1 lugë sodë buke
1 qepë mesatare
2-3 thelbinj hudhër të grirë hollë
1 patate mesatare e qëruar
1 tufë e vogël majdanoz
1 lugë koriandër i bluar
1 lugë kumin
1 lugë rigon
1 lugë kripë
2 lugë miell
2 lugëza maja pluhur
0.5 l vaj për të fërguar
Përgatitja
- Vendosni në një enë qiqrat dhe sodën e bukës, mbulojini me ujë të fothtë dhe lërini për 24 orë. Shpëlajini mirë dhe kullojini.
- Vendosni qiqrat, qepën, hudhrën, pataten dhe majdanozin në një mikser dhe grijini. Shtoni koriandër, rigonin, kripën, kuminin dhe miellin dhe vazhdoni t’i grini derisa të përzihen me njëri-tjetrin. Lërini të pushojnë për 2-3 orë.
- Nxehni vajin në një tigan të madh.
- Hidhni majanë në përzierje dhe pastaj me ndihmën e një luge formoni toptha pak të shtypur.
- Skuqini topthat në grupe nga 4-5 derisa të prarohen. Thajini me letër kuzhine.
Përdorini qoftet falafel për të bërë toste, shoqëruar me sallatë jeshile dhe feta domatesh.
Show Comments (0)