Si e premte që është, duhet një recetë fantastike për të festuar mbylljen e një jave disi të gjatë pune, të paktën kështu e ndjeva unë personalisht.
Hidhemi sërish te recetat bazike, por receta e sotme e pulës së pjekur vetëm bazike s’është nga shija. Pale pamja e saj… mund të përdoret epiteti “sexy” për një ushqim? Sepse pula e sotme e tillë është!
Përbërësit
1 lugë plot me sherbelë të grirë
1 lugë plot me rozmarinë të grirë
2 thelpinj hudhër të grirë
Kripë, piper
1 pulë 1.2 kg
1 kokërr limon
5 lugë vaj ulliri
Përgatitja
- Përzieni bashkë sherbelën, rozmarinën, hudhrën, kripën dhe piperin dhe përdoreni këtë për t’i dhënë shije pulës nga brenda dhe jashtë.
- Futni një kokërr limoni të larë mirë në zgavrën e pulës: i jep shije të këndshme dhe eliminon yndyrnat.
- Vendoseni pulën në tavën e lyer me vaj ulliri, duke e lyer pak në sipërfaqe edhe të, dhe piqeni në furrë me 200 gradë, për rreth 1 orë.
- Përpara se ta hiqni nga pula, sigurohuni që pula të ketë marrë ngjyrën e duhur: e artë dhe kërce nga jashtë, e butë nga brenda. Shërbejeni menjëherë.
Show Comments (0)