Duke vazhduar me receta pudingu, sot kemi për ju puding orizi. Rrushi i thatë dhe ekstrakti i vaniljes që i shtojmë këtij pudingu i japin një shije mjaft të veçantë, për të mos ngelur thjesht te shija e pafajshme e orizit me qumësht.
Përbërësit
140 gr oriz i bardhë i pagatuar
500 ml qumësht
70 gr sheqer
1 vezë e rrahur
90 gr rrush i thatë
1 lugë gjalpë
½ lugë çaji ekstrakt vanilje
Përgatitja
- Zieni 300 ml ujë në një tenxhere, dhe hidhni orizin në ujin që zien. Ziejeni në zjarr të ulët për 20 minuta.
- Kulloni orizin dhe në të njëjtën tenxhere, përzieni orizin, 375 ml qumësht, sheqerin. Gatuajeni për 15-20 minuta në nxehtësi mesatare, duke e përzier.
- Shtoni më pas pjesën e mbetur të qumështit, vezën, dhe rrushin e thatë. Gatuajini për 2 minuta.
- Hiqeni nga nxehtësia dhe shtoni gjalpë dhe vanilje, duke e përzier. Hidheni pudingun në tasa dhe shërbejeni të ftohtë.
Mund t’i shtoni edhe kanellë nëse dëshironi.
Show Comments (0)