Si të përgatisim karamele “Haribo”

E para mbi të gjitha, gëzuar 1 qershorin! Kam vite që nuk e festoj më këtë festë, pasi s’ma lejon mosha, por asgjë nuk më ndalon të vazhdoj të shijoj të njëjtat ëmbëlsira e karamele që preferoja kur isha fëmijë. Njëra prej tyre, siç mund ta merrni me mend nga titulli i postimit, janë padyshim karamelet e buta “Haribo”.

Nuk di si mund të përkthehet “gummy candy” në shqip, njëkohësisht duke ruajtur dëshirën tuaj për t’i ngrënë, pasi “karamele gomë” s’më duket emri më i përshtatshëm. Nga ana tjetër, këto karamele i njohim të gjithë me emrin “Haribo”, ashtu siç mund të njohim kruasantin me emrin “Molto”.

Sado të mira të jenë “Haribo”-t e dyqanit, mbeten ushqime të paketuara, me sheqerin e dynjasë, siç do thoshte ime më. Por mos ua mbani larg fëmijëve tuaj këtë 1 qershor një snack kaq të shijshëm. Ne do t’ju tregojnë se si të përgatisni “Haribo” fare të shëndetshme, me lëng frutash. Nëse mund të gjeni stampa me formë arushi, do të ishte perfekte, por si gjithmonë, mund të përdorni edhe stampa akulli, të cilat vijnë në forma të ndryshme: yje, rrathë, xhevahire, zemra, guaska etj.

 

Për ngjyrat e ndryshme të Haribove mund të përdorni frutat e mëposhtme (një frut ose miks frutash):
E kuqe: Luleshtrydhe, qershi, mjedra, shalqi
Portokalli: Portokall, karota, pjeshkë, mango, papaja
E verdhë: Dardhë e verdhë, mollë e verdhë, limon. Lëngu i limonit kërkon edhe sheqer.
Lejla: Manaferra, boronica, rrush i zi
E gjelbër: Rrush i bardhë, mollë jeshile

 

Përbërësit
350 ml lëng i freskët fruti, sipas dëshirës tuaj, që e keni shtrydhur vetë
4 lugë xhelatinë pluhur
2-4 lugë mjaltë
PS: Mund të shtoni edhe tableta vitaminash, si vitaminë C, të bëra pluhur në mikser

Përgatitja
1. Hidhni lëngun në një tenxhere të vogël. Spërkasni xhelatinën sipër (mos e hidhni të gjithën në një vend) dhe prisni pak sa të thithet prej lëngut, pasi do të tkurret. Kur të jetë tkurrur paksa, përziejeni mirë me lugë druri që të thithet tërësisht prej lëngut të frutave.
2. Vendoseni tenxheren në nxehtësi mesatare mbi sobë. Duhet ta ngrohni lëngun, pa e zier atë, që xhelatinë të shkrijë tërësisht. Lëreni në sobë për rreth 5-8 minuta, duke e përzier çdo 1-2 minuta. Lëngu do të bëhet i hollë dhe si shurup. Shtoni edhe mjaltin dhe vitaminat, nëse doni, dhe përziejini mirë.
3. Derdheni lëngun në stampë, duke pasur kujdes të mos e derdhni. Për lehtësi mbushjeje, lëngun mund ta hidhni në një enë me grykë të ngushtë, siç janë mbajtësit e ketchup-it dhe mustardës, nëse ju ndodhen.
4. Vërini stampat në frigorifer për rreth 2-3 orë. “Haribo”-t do të dalin lehtësisht nga forma.
Mbajini karamelet në një kuti në frigorifer, për maksimalisht 2 javë.

Tags:

Shendetshmerisht
  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

Pene me brokoli, pana dhe fileto pule

Eshte kjo koha tani qe po nderrohet gjaku dhe eshte bere pak problematike te ...

The childish reincarnation of a fully grown adult “SMORES Sandwiches”

Who doesn’t like SMORES? Who doesn’t like sandwiches? Who doesn’t like toast? FYI – ...

Kukurec

Këtë fundjavë Pashkësh ortodokse kemi zgjedhur vetëm receta tradicionale greke, jo të padëgjuara nga ...