Krem karamel

E quajmë krem karamel, por emri origjinal i kësaj ëmbëlsire është në fakt “flan”.

Mjaft popullore në Amerikën Latine, edhe flani duket se di të vallëzojë merengue, dhe ka shije mjaft të pasur, ndonëse përgatitet me përbërës të thjeshtë.

Për më tepër, pamja e artë e krem karamelit është tejet ftuese, për të rrëmbyer e shijuar një lugë prej tij.

 

Përbërësit

1 litër qumësht i freskët

1 gotë e ¾ çaji me sheqer

7 vezë

1 paketë vanilje

1/3 gotë çaji sheqer për t’i dhënë ngjyrë

 

Përgatitja

  1. Qumështin e ngrohim së bashku me sheqerin (1 gotë e ¾), derisa sheqeri të tretet. Përpara se të nisë zierja e qumështit, i shtojmë vezët e rrahura më parë dhe vaniljen, dhe i japim qumështit një të zier.
  2. Pjesën tjetër të sheqerit e hedhim në tigan në zjarr të lehtë me pak ujë, derisa të kthehet në ngjyrë kafe, por pa u djegur. E derdhim sheqerin në tasat ku do të përgatisim krem karamelet. Shtojmë mbi sheqerin qumështin e zier.
  3. Tasat i vendosim në një tavë me ujë dhe e fusim tavën në furrë me 180 gradë. Piqini në furrë derisa kremi të zërë një kore në pjesën e sipërme.
  4. Futini tasat në frigorifer dhe prisni derisa kremi të ftohet plotësisht, përpara se t’i shërbeni.

Tags:

Shendetshmerisht
  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

Linguine Aglio Olio (vaj dhe hudhra)

Linguinet Aglio-Olio (ose Lignuine me vaj dhe hudhra – qe ne rastin konkret jane ...

Kajmaklie me luleshtrydhe

Kajmaklia nuk është gjë tjetër veçse një kek-mafishe, i lehtë dhe i butë, i ...

Pufka “Margarita” (me tekila!)

Kujt mund t’i bëjnë dëm ëmbëlsirat? Mund të jenë të vetmet krijime që shijohen ...

Byreku më i thjeshtë në botë

Unë jam rritur me konceptin që të djelave shkohet nga prindërit, edhe mami bën ...