Si te gatuajme lazanja bolonjeze (dhe ti beni njerezit të bien ne dashuri me ju)

Nëse dikush ju thotë që nuk u pëlqen lazanja, ky person nuk duhet të jetë në jetë tuaj pasi nuk janë për tu besuar!

Lazanja në parim nuk është gjë tjetër përveç se pasta të sheshta me mish dhe djath. Si e tillë çdo pasta gjëja me e rëndësishme është salca. Në këtë spektër do të punojmë në dy drejtime

Ju duhet

  • 500 gram mish të grirë
  • Mozzarela për të gatuar.
  • 100 gram parmesan të grirë
  • 1 qepë, 6 thelpinj hudhra, 1 karrotë
  • Pastë domateje.
  • Pasta për lazanja
  • Kripe, piper, paprika, spec djegës.
  • Majdanoz i prere holle.

Përgatitja:

Në një tigan ose  tenxhere të madhe hidhni vaj vegjetal dhe lëreni të nxehet. Arsyeja që po përdorim vaj vegjetal është se mishi do arrijë temperaturë të lartë dhe vaj i ullirit do të digjet, do ndryshojë ngjyrë dhe në fund do marri një shije jo aq të mirë.

Këtu shtoni mishin e grirë. Çelësi i suksesit në këtë pikë është skuqja e mishit siç duhet. Është e nevojshme që të marri ngjyrë, kështu që mos e prekni duke e lëvizur pa pushim. Por trazojeni herë pas here ama mos e lini të digjet!

Gjatë kohës që bëhet mishi duhet të bëjmë edhe perimet. Një lazanjë pa perime është si pa shtyllë kurrizore! Baza e çdo bolonjezeje është hudhra, qepë dhe karota.

Merrni disa hudhra. Për gjysme kile mish unë bëra nja 5 a 6 thelpinj hudhra. Pritini të vogla, dhe hidhini pak kripë sipër. Pastaj shtypini me thikë që të formoni një si lloj paste. Merrni një qepë mesatare dhe priteni ne kubike të vegjël fare. ;errni dhe një karotë normale dhe grijeni në rende.

Ideja është që sa më të vogla të jenë përbërësit, aq me e njëtrajtshme është salca. Një lazanjë hahet më rehat kështu…por ju bëni si të doni…mos më thoni pastaj që nuk ju thashë. Këto filloni skuqini në një tenxhere tjetër të vogël me vaj ulliri. Lërini të karamelizohen, shtoni një luge pastë domatesh dhe pastaj kripë, piper, paprika, pak spec djegës. Karamelizojini dhe kur janë gatuar mirë fare shtojini tek mishi. Në këtë pike duhet shtuar ujë, një nga ato galina blanka me viç dhe gjithë salca duhet gatuar mirë. Lëreni të gatuhet tani. Duhet qe te avulloje mirë.

Pastaj shtoni një gotë të vogël qumësht. Lëreni të avullojë dhe kjo. Shtoni prapë një gotë tjetër qumësht. Avullojeni dhe atë. Në këtë pikë duhet të keni një masë të njëtrajtshme. Hiqeni nga zjarri. Hidhni një nga një 3 të verdha vezësh. Hidhni një, trazojeni. Hidhni tjetër, trazojeni e kështu me rradhë.

Nxehni furrën në 180 gradë.

Tani në këtë pikë duhet të vendosni katet e lazanjës. Në këtë pikë duhet ti bëni gati sipas llojit që keni. Ato që morra unë, duhej të futeshin në ujë të nxehtë për disa minuta. Ka ca të tjera që skanë nevojë hiç. Siç thashë, sipas rastit.

Shtroni një kat salcë, një kat pasta, një kat mozzarella, pak majdanoz të prerë. Këtë përsëriteni dhe mbylleni me një kat salcë, shtoni pak piper, shtoni pak parmesan të grirë dhe futeni në furrë për rreth 30 minuta në 180 gradë.

Sapo të jetë gati do ta kuptoni me koren që është formuar sipër. Mos e prisni, mos e prekni. Lëreni të ftohet! Nëse e prekni do ju bëhet si llaç dhe kjo nuk është mirë.

Shtoni sipër pak majdanoz.

Disa komente që duhen patur parasysh:

  1. Lazanja ka ate elementin personal. Une e dua me shume mish dhe djath. Ka disa te tjere qe e duan me shume salce etj etj. Beheni si te doni
  2. Disa perdorin salce beshamel. Une jam teresisht kunder! Ska si mozzarella e shkrire per mua. Merrni ato qe jane per te gatuar. Edhe te shtrenjta nuk jane shume dhe shija rritet ne nivele te pakrahasueshme
  3. Mos e lini majdanozin pas dore. I jep nje dimension tjeter pasi kur ha shume mish dhe djath dhe pasta behet pak e lodhshme. Freskia e majdanozit eshte dicka tjeter
  4. Yndyra eshte nje pike tejter. Problem I madh pasi edhe mishi I grire ka yndyre. Djathi ka po ashtu. Tregohuni te kujdeshem. Jo se ka ndonje gje kushedi ne shije por qe ta keni parasysh qe duhet te hani porcione me te vogla…dhe me thon te drejten problem eshte me nje lazanje aq te mire!
  5. Do keni nevoje per gjume! Pas gjithe kesaj pjate njeriu do gjume tamam

Kaq kisha.

Tags:

Shendetshmerisht
  • Incognito Chef

    In house chef

    Food enthusiast – your average corporate career junkie with some weird taste in food. Tasty healthy food that can be done quickly, with the least amount of mess and easy breezy.

  • Show Comments (0)

Your email address will not be published. Required fields are marked *

comment *

  • name *

  • email *

  • website *

Ads

You May Also Like

Aperol Spritz me Grapefruit & Vodka

Nje nder aperitivet kryesore italiane dhe nje nder gotat e preferuara edhe neper baret ...

Sallate e Ftohte me fasule

Fasulet skane pse te jene perberes te merzitshem – sic karakterizohet nga koncepti jone ...

Shishkebap me mustarde dhe hudher

Marr shkas nga fundjava e fundit me super diell dhe gjeni me poshte nje ...

Hulumtimet e se shtunes mbrema 12.03

Disa nder faktoret qe me bejne qe te shkruaj kete postim eshte kryesisht i ...